Politike

I pari që e uron/ Viktor Orban letër Sali Berishës: Suksese në detyrat e reja!

Në letërkëmbim, kryeministri Orban ka theksuar se kjo fitore e tij është një garanci për stabilitetin politik dhe zhvillimin ekonomik të Hungarisë, por edhe një qëndrim kurajoz për paqen dhe sigurinë e vendit.

15 Qershor 2022, 17:19 Nga k.m.
I pari që e uron/ Viktor Orban letër Sali Berishës: Suksese
Sali Berisha

BUDAPEST- Kryeministri i Hungarisë, Viktor Orban ka patur një korrespondencë me ish-Kryeministrin dhe ish-Presidentin e Shqipërisë dhe aktualisht kryetarin e Partisë Demokratike, Sali Berisha. Në letërkëmbim, kryeministri Orban ka theksuar se kjo fitore e tij është një garanci për stabilitetin politik dhe zhvillimin ekonomik të Hungarisë, por edhe një qëndrim kurajoz për paqen dhe sigurinë e vendit. Orban ka kujtuar edhe vizitën e ish-kryeministrit dhe të kryetarit të Partisë Demokratike, Sali Berisha në Budapest në vitin 2014, duke vlerësuar maksimalisht shkëmbimin e pikëpamjeve mbi çështje të caktuara që përcaktuan fatin e dy vendeve mike. 

Më poshtë letra e z. Viktor Orban.

" I dashur Zoti President,

Dëshiroj t’ju shpreh mirënjohjen time për urimet tuaja pas fitores sonë në zgjedhjet parlamentare në Hungari.

Jam krenar që qytetarët hungarezë kanë shprehur besimin e tyre në një qeverisje të pavarur bazuar mbi vlera kombëtare dhe na kanë nderuar me besimin e tyre për të pestën herë tashmë. Besoj që ky mandat i fortë nuk është vetëm një garanci për stabilitetin politik dhe zhvillimin ekonomik të Hungarisë, por është gjithashtu një qëndrim kurajoz për paqen dhe sigurinë e vendit tonë.

Ishte një nder t’ju prisnim në Budapest në vitin 2014 dhe të shkëmbenim pikëpamje mbi çështje që përcaktuan fatin e vendeve tona. E vlerësoj vërtetë miqësinë e hapur dhe të sinqertë që ju keni treguar kundrejt Hungarisë dhe popullit hungarez prej shumë vitesh tashmë. Ju siguroj që do të mbetemi të angazhuar të mbrojmë vlerat tona të përbashkëta kristiano-konservatore dhe të zhvillojmë gjithashtu marrëdhëniet shqiptaro-hungareze në të ardhmen.

Ju uroj shëndet dhe shumë sukses në detyrat tuaja me përgjegjësi të larta.

I juaji me sinqeritet,

Viktor Orban"

Ndërsa në fund, Orban i ka uruar Berishës suksese në detyrat e tij të reja me përgjegjësi të larta. Duke e bërë këtë urimin e parë që Berisha ka marrë që kur është rikthyer në drejtim të Partisë Demokratike më 22 maj.

sali berisha

Sondazh

Poll

MË SHUMË