Politike

VD-Rama dhe Abazoviç takohen me Zelenskyyn në Kiev, Kovaçevski dërgon videomesazh

Zelenskyy ka publikuar momentin e takimi në faqen e tij në Facebook ku ka pritur dy kryeministrat, të shoqëruar nga delegacionet në rezidencën presidenciale në Kiev.

15 Qershor 2022, 16:27 Nga d.a
VD-Rama dhe Abazoviç takohen me Zelenskyyn në Kiev,
Zelenskyy, Rama dhe Abazoviç

UKRAINË- Kryeministri Edi Rama dhe ai i Malit të zi Dritan Abazoviç janë takuar në Kiev me presidentin ukrainas Volodymyr Zelenskyy.

Zelenskyy ka publikuar momentin e takimi në faqen e tij në Facebook ku ka pritur dy kryeministrat, të shoqëruar nga delegacionet në rezidencën presidenciale në Kiev.

“Partnerët ndërkombëtarë vazhdojnë të vijnë në Ukrainë. Dhe ky është një manifestim i rëndësishëm i mbështetjes së popullit tonë. Sot u takova me kryeministrin e Shqipërisë Edi Rama dhe kryeministrin e Malit të Zi Dritan Abazovic”, ka shkruar Zelenskyy krahas pamjeve.

Në videon e publikuar nga Zelenskyy ai pret Ramën dhe Abazoviç në oborrin e pallatit presidencial ku dhe u bë prezantimi i delegacioneve.

"Mirëseerdhët zoti kryeministër"-ju drejtua Zelenskyy Ramës.

Ndërkohë që pas prezantimin të delegacioneve dhe bërjes së fotos zyrtare ata më pas u ngjitën në zyrën e mbledhjeve.

"Faleminderit që erdhë, është shumë e rëndësishme që ju erdhët deri këtu dhe e patë situatën nga afër në mënyrë që të frymëzoni dhe të tjerët"-shtoi Zelenskyy.

Ndërkohë që kryeministri maqedonas Dimitar Kovaçevski, i cili ishte i ftuar në këtë udhëtim, ka dërguar një videomesazh për të treguar mbështetjen e tij për Ukrainën.

Rama së bashku me kryeministrin e Malit të Zi, Dritan Abazoviç, kanë udhëtuar mbi 12 orë me tren nga qyteti i Pshemishit, Poloni, nga ku u bë nisja për në Ukrainë. Ato u pritën nga forcat ushtarake dhe delegacioni ukrainas. Dy kryeministrat e qeverive të Ballkanit Perëndimor, pritet që të zhvillojnë disa takime të rëndësishme, ku fillimisht do të nisen drejt të Buchas, për të parë nga afër krimet e ushtrisë ruse në Ukrainë. 

Vizita do të vijojë me takimin e kryeministrit të Ukrainës, Denys Shmyhal, dhe kryebashkiakut të Kievit, Vitali Klitschko. Kryeministri Edi Rama është i shoqëruar nga Elisa Spiropali, Ministrja e Shtetit për Marrëdhëniet me Parlamentin, Endri Fuga, Drejtor i Agjencisë për Media dhe Informim, Volodymyr Shkurov, Ambasador i Republikës së Ukrainës në Shqipëri dhe Dorjan Duçka, Këshilltar i jashtëm.

edi rama ne ukraine volodymyr zelenskyy

Sondazh

Poll

MË SHUMË