Bota

Xi Jinping drejtuar Vladimir Putin: Të gjitha palët duhet të punojnë për të zgjidhur krizën në Ukrainë

Kina ka refuzuar të dënojë veprimet e Rusisë në Ukrainë ose t'i quajë ato një "pushtim" dhe po bën thirrje për një zgjidhje të negociuar.

15 Qershor 2022, 14:18 Nga DOSJA
Xi Jinping drejtuar Vladimir Putin: Të gjitha palët duhet të
Xi Jinping dhe Vladimir Putin

KINË- Presidenti kinez Xi Jinping pati një bisedë telefonike me presidentin rus Vladimir Putin dhe u bëri thirrje të gjitha palëve që të punojnë për një "mënyrë të përgjegjshme" për të zgjidhur krizën në Ukrainë, njoftoi rrjeti shtetëror kinez CCTV.

Kina ka refuzuar të dënojë veprimet e Rusisë në Ukrainë ose t'i quajë ato një "pushtim" dhe po bën thirrje për një zgjidhje të negociuar.

Në një bisedë telefonike, Xi përsëriti gatishmërinë e Kinës për të ndihmuar në zgjidhjen e situatës. Kina dhe Rusia janë afruar gjithnjë e më shumë vitet e fundit dhe në shkurt Putin dhe Xi nënshkruan një aleancë të gjerë strategjike për të kundërshtuar ndikimin e SHBA-së, duke thënë se nuk do të kishin "zona të ndaluara bashkëpunimi".

Të premten, Rusia dhe Kina hapën një urë të re ndërkufitare në Lindjen e Largët, e cila shpresojnë se do të nxisë më tej tregtinë pasi Moska vuan nga sanksionet gjithëpërfshirëse perëndimore për veprimet e saj në Ukrainë.

vladimir putin xi jinping lufta ukraine-rusi

Sondazh

Poll

MË SHUMË