Aktualitet

DETAJET/ “U befasua kur i pa, por s'rezistoi”, si u arrestua Kasandër Noga, po nisej për Shqipëri

Hetuesit e Policisë Kriminale Shtetërore të Vjenës ndoqën një informatë se i kërkuari duhet të ishte në Vjenë.

14 Qershor 2022, 13:24 Nga k.m.

DETAJET/ “U befasua kur i pa, por s'rezistoi”, si u arrestua

Kasandër Noga

AUSTRI- Është arrestuar në Vjenë, Kasandër Noga, 45-vjeçari, i cili akuzohet se i bëri atentat Erion Hasanbelliut në Belgjikë, më 11 qershor. 45-vjeçari është arrestuar në Donaustadt mëngjesin e sotëm, pasi ishte shpallur në kërkim ndërkombëtar për tentativë vrasjeje në rrugë në Bruksel. Hetuesit e Policisë Kriminale Shtetërore të Vjenës ndoqën një informatë se i kërkuari duhet të ishte në Vjenë.

"Kasandër Noga u arrestua para një pallati në lagjen Donaustadt rreth orës 9:15 të mëngjesit të ditës së djeshme. 45-vjeçari është habitur dhe nuk ka bërë asnjë rezistencë. Sipas informacioneve fillestare, hetuesit kanë penguar fluturimin e tij për në Shqipëri,"-tha mediat austriake.

Noga akuzohet për 5 vrasje dhe disa plagosje. Mes këtyre krimeve është dhe akuza për vrasjen e Astrit Shpërdhejas në 25 gusht të 2001, ndërkohë që gjyqi u bë në Belgjikë në 2005. Po ashtu ai është akuzuar edhe për vrasjen në vitin 1999 në Patos, të Kastritot Gropës dhe Edison Meminajt. Pavarësisht këtyre krimeve të rënda, autori arriti që të ishte i lirë.

kasandër noga arrestohet kasander noga erion hasanbelliu ekzekutohet erion hasanbelliu