Politike

Rama dhe Abazoviç do shkojnë në Kiev, Kovaçevski refuzon ftesën

Abazoviç ka hedhur idenë e një vizite të përbashkët në Kiev dhe thuhet se kryeministrat e Shqipërisë dhe Maqedonisë së Veriut, Edi Rama dhe Dimitar Kovaçevski e kanë pranuar idenë e tij dhe mbetet të bihet dakord për një datë.

13 Qershor 2022, 12:37 Nga d.a
Rama dhe Abazoviç do shkojnë në Kiev, Kovaçevski refuzon
Lideret e Open Ballkan

MAL I ZI- Kryeministri i Malit të Zi Dritan Abazoviç pranoi ftesën e presidentit ukrainas Volodymyr Zelenskyy për të vizituar Kievin, njoftoi dje Zyra e Kryeministrit.

Sipas “Vijesti”, Abazoviç ka hedhur idenë e një vizite të përbashkët në Kiev dhe thuhet se kryeministri i Shqipërisë Edi Rama e ka pranuar idenë e tij ndërkohë kryeministri maqedonas Dimitar Kovaçevski e ka refuzuar pasi e ka axhendën e zënë.

“Siç ka paralajmëruar, Abazoviç do të nisë idenë e një vizite të përbashkët në Kiev nga kryeministri i Ballkanit Perëndimor, veçanërisht nga vendet e NATO-s në rajon, në mënyrë që të dërgojë një mesazh më të fortë dhe unik të mbështetjes nga Ballkani Perëndimor ndaj sovranitetit dhe integritetit të Ukrainës."-thuhet në deklaratë.

Në një bisedë me Zelenskyyn, Abazoviç theksoi se Mali i Zi ka ofruar mbështetje të hapur për pavarësinë, integritetin territorial dhe sovranitetin e Ukrainës që në fillim.

“Ai theksoi se vlerat evropiane të lirisë dhe e drejta për zgjedhjen e dikujt mbrohen sot jashtë kufijve të Bashkimit Evropian dhe se Mali i Zi mbështet plotësisht qëndrimin e Bashkimit Evropian ndaj pushtimit rus të Ukrainës”, thuhet në deklaratë.

Abazoviç tha gjithashtu se shpreson që Ukraina të marrë statusin e një kandidati për anëtarësim në BE dhe se Mali i Zi, si lider në procesin e negociatave, është i gatshëm të ofrojë ndihmën e nevojshme eksperte dhe politike.

dritan abazovic edi rama

Sondazh

Poll

MË SHUMË