Aktualitet

500 mijë euro në portin e Durrësit, Prokuroria përfundon hetimet, çon në Gjykatë 58-vjeçarin

Po ashtu, Prokuroria ka vendosur masën "sekuestro preventive" për vlerën 498.850 Euro, të cilat janë konstatuar gjatë kontrollit në skaner të automjetit tip "Renault".

8 Qershor 2022, 20:39 Nga k.m
500 mijë euro në portin e Durrësit, Prokuroria përfundon
Paratë e kapura

DURRËS- Prokuroria pranë Gjykatës së Shkallë së Parë në Durrës ka përfunduar hetimet dhe ka çuar për gjykim Andon Thanasi, i cili do të gjykohet për dy vepra penale. Bëhet fjalë për veprat penale: “Pastrimi i produkteve të veprës penale ose veprimtarisë kriminale” dhe “Mosdeklarimi në kufi i të hollave dhe i sendeve me vlerë”. Po ashtu, Prokuroria ka vendosur masën "sekuestro preventive" për vlerën 498.850 Euro, të cilat janë konstatuar gjatë kontrollit në skaner të automjetit tip "Renault".

“Nga hetimi i kryer dhe me metoda speciale të hetimit ka rezultuar e provuar se i pandehuri A. Th. ka kryer veprat penale “Mosdeklarimi në kufi i të hollave dhe i sendeve me vlerë”(Shtuar me ligjinnr. 9086, datë 19.06.2003) dhe “Pastrimi produkteve të veprës penale ose veprimtarisë kriminale” (ndryshuar me ligjin nr. 23/2012, datë 01.03.2012) parashikuar nga neni 179/a dhe 287 pgr. 2 të Kodit Penal,”- thuhet në njoftimin e Prokurorisë.

Rreth 500 mijë euro janë sekuestruar të shtunën më 13 qershor 2020, në portin e Durrësit, në një kamion tip “Renault” që ka ardhur me traget nga Bari. Eurot ishin të ndara në 5 qese të fshehura në shasinë e kamionit me tragë targë TR 2046 U dhe me tragë trajleri TR 2048 U. Nga numërimi janë konstatuar se kanë qenë 498.850 euro.

 

Sondazh

Poll

MË SHUMË