Aktualitet

3 DITË/ Greqia nis shuarjen e flakëve në ishullin e Sazanit

Gjithashtu, krahas avionit, në terren ndodhen edhe efektivët e Forcave të Armatosura, të cilët me mjete rrethanore, si lopata e degë peme po punojnë për shuarjen e zjarrit.

7 Qershor 2022, 10:56 Nga F.M

3 DITË/ Greqia nis shuarjen e flakëve në ishullin e Sazanit

VLORË- Greqi ka nisur të shuajë flakët në ishullin e Sazanit. Mëngjesin e ditës së tretë që zona turistike ndodhej nën pushtetin e zjarrit, qeveria shqiptare mendoi se kishte ardhurkoha për ndërhyrje nga ajri. Në këtë mënyrë, kërkoi ndihmë nga Greqia dhe brenda pak orësh në qiellin e tymosur mbi ishullin e Sazanit u pa të fluturonte Canadair CL 415.

Mediat greke përcollën me bujë lajmin e ardhjes në ndihmë ndaj Shqipërisë duke theksuar se kjo nuk ishte hera e parë ndodhte. Në artikull nënvizohet se Greqia nuk është hera e e parë që ndihmon vendin tonë në raste të tilla, duke kujtuar kështu zjarret e përmbytjet në vitin 2017 si dhe tërmetin tragjik të vitit 2019.

Gjithashtu, krahas avionit, në terren ndodhen edhe efektivët e Forcave të Armatosura, të cilët me mjete rrethanore, si lopata e degë peme po punojnë për shuarjen e zjarrit.

Zjarri në ishullin e Sazanit u aktivizua mesditën e të dielës. Shqipëri nuk ndërhyri nga ajri, për shkak se dy helikopterët që ka në dispozicion për raste të tilla janë në servis që nga muaji shkurt. Në Sazan janë shënuar edhe shpërthime të municioneve. Kritikave për mungesën e mjeteve, kreu i Emergjencave Civile Haki Çako iu përgjigj duke u shprehur se nuk është e nevojshme të ndërhysh me helikopter në çdo zjarr. Ndërsa kryeministri Edi Rama u bënte thirrje shqiptarëve që të mos merreshin me fjalë, por të shikonin edhe në shtetet e tjera ku për shuarjen e flakëve kërkohen kova me ujë. Prania e avionit grek në vendin tonë, tregon se në fakt fqinjët kanë mjetet e posaçme për të shuar zjarret e tyre, por edhe për të ndihmuar Shqipërinë.

Sondazh

Poll

MË SHUMË