Aktualitet

Prag-tragjedi në Zvërnec, fundosen 4 turistë, italiani: S’ka sinjale për shkëmbinj nënujor

Drejtuesi i jahtit dha sinjalin dhe autoritetet lokale u shkuan në ndihmë duke i shpëtuar. Mes tyre ishte edhe një fëmijë.

7 Qershor 2022, 10:29 Nga DOSJA
Prag-tragjedi në Zvërnec, fundosen 4 turistë, italiani:
Turisti, Zvërnec

VLORË- Udhëtimi i katër anëtarëve të një familjeje italiane thuajse u kthye në tragjedi kur mbërritën në brigjet shqiptare. Turistët ishin nisur me jaht nga Sllovenia dhe kishin udhëtuar në të gjithë Kroacinë, Malin e Zi e Bosnje-Hercegovinë. Më pas, ata mbërritën në brigjet e Vlorës, konkretisht në plazhin e Zvërnecit, kur dhe u përballën me një shkëmb nënujor. Në mungesë të një sinjalizimi për shkëmbin nënujtor, skafi u ça dhe jeta e katër turistëve u vu në rrezik.

Drejtuesi i jahtit dha sinjalin dhe autoritetet lokale u shkuan në ndihmë duke i shpëtuar. Mes tyre ishte edhe një fëmijë dhe që të katër janë në gjendje të mirë shëndetësore, por ende të trembur. Kryefamiljari thotë se skafi nuk kishte asnjë defekt dhe se nuk mund të ndodhë që autoritetet lokale të mos sinjalizojnë praninë e një shëmbi nënujor.

“Skafi nuk kishte asgjë. U nisëm nga Sllovenia. Udhëtuam në gjithë Kroacinë, Malin e Zi, Bosnje-Hercegovinë dhe nuk patëm asnjë problem. Pastaj në orën 04:30 të mëngjesit ndodhi incidenti në brigjet e Shqipërisë. Shkëmbinjtë duhen sinjalizuar, për fat të keq nuk ishin sinjalizuar dhe u goditëm. Por për fat të mirë nuk vdiqëm, por varka iku. Ishim 4 persona, përfshirë një fëmijë,”- tha turisti italian.

 

Sondazh

Poll

MË SHUMË