Politike

Vrasja në Shkodër/ Alibeaj: Pushka krisi prapë, nëse Rama qëndron në pushtet do ketë prapë

Alibeaj deklaron se pushka krisi e se krimi vazhdon që të terrorizojë shqiptart në çdo cep të vendit.

3 Qershor 2022, 10:36 Nga DOSJA
Vrasja në Shkodër/ Alibeaj: Pushka krisi prapë, nëse Rama
Enkelejd Alibeaj

TIRANË- Deputeti demokrat, Enkelejd Alibeaj ka reaguar pas vrasjes së bujshme që ndodhi mëngjesin e sotëm në lagjen 'Rus' në Shkodër, aty ku mbeti i vrarë Naim Bajri. Përmes një shkrimi, Alibeaj thotë se pushka krisi e se krimi vazhdon që të terrorizojë shqiptart në çdo cep të vendit. Deputeti shton se për sa kohë që kryeministri Edi Rama të jetë në pushtet, vendi do të dëgjojë akoma më shumë krisma armësh. 

REAGIMI:

Pushka krisi prapë e krimi vazhdon i patrazuar të terrorizojë shqiptarët gjithnjë e më të pambrojtur nga shteti e qeveria. E kjo histori që prej ardhjes në pushtet të Edi Ramës. Shqiptarëve u kujtohet se si kur shpërthenin minat nëpër makina dhe kur vriteshin qytetarë në rrugë nga bandat, Edi Rama lante duart si Ponz Pilati. Sot dëshmitarët po flasin dhe po u tregojnë shqiptarëve, dhe më e rëndësishmja drejtësisë, lidhjen e ngushtë simbiotike të qeverisë me krimin e organizuar dhe që vazhdojnë të jenë në aleancë sëbashku. Një marrëdhënie e ngushtë saqë është e vështirë të kuptosh ku nis shteti dhe ku nis banda! Një bashkëpunim perfekt që ka shkatërruar themelet e demokracisë dhe ka vrarë shtetin! Jo rastësisht krimi i organizuar ka gjetur strehën e tij në këtë mazhorancë dhe në këtë qeveri për këto 8 vite e më shumë. Jo rastësisht dekriminalizimi prodhoi "heronjtë" e tij nga kjo mazhorancë. Jo rastësisht dizenjimi non grata identifikoi se kush ishin grupet e strukturuara kriminale të përfshira në politikë dhe që blinin e grabisnin vota, që Edi Rama dhe banda e tij e Rilindjes të merrte e të mbante pushtetin e inkriminuar. Shqipëria nuk ka përse të kalbet nga krimi i organizuar që bashkëjeton me politikën. Shqiptarët nuk kanë përse të jenë pengjet e një kryeministri që ortakërinë dhe besnikërinë e ka me grupet kriminale dhe jo me qytetarët. E vetmja rrugë për të shpëtuar është që drejtësia ti shkojë kësaj skeme deri në fund. Duke dënuar të pushtetshmit pa të cilët krimi nuk do të depërtonte kaq shumë në jetët tona. Nuk ka rrugë tjetër që ky vend të kthehet në shinat e ligjshmërisë, sigurisë dhe demokracisë. Sa më shumë qëndron Edi Rama me strukturën e tij kriminale në krye të pushtetit që e ka lënë peng tek bandat që i dhanë pushtetin, aq më shumë pushka do të krisë, aq më shumë do të ndëshkohen shqiptarët, aq më shumë do të vriten mes tyre shqiptarët, aq më shumë do të vuajnë shqiptarët, dhe do të ikin nga ky vend që nuk ofron as siguri e as demokraci.

Mëngjesin e sotëm, Naim Bajri, tregtar peshku në markatën e peshkut në lagjen 'Rus'. I plagosur mbeti punëtori i tij, i cili mori një plumb në krah. Autorët me mjetin 'Benz' u afruan pranë lokalit ku po pinte kafe Bajri e më pas e qëlluan me 10 plumba, mirëpo vetëm 7 e prekën në trup. 

Sondazh

Poll

MË SHUMË