Aktualitet

Polici humbi jetën në punë, reagon Burgu i Shënkollit: U ndoqën të gjitha procedurat! Mjeku s'konstatoi probleme

Drejtori i burgut të Shenkollit, Leonard Mardoda bën me dije se Frroku nuk mori trajtim të specializuar, pasi kur ka mbaruar vizitën me mjekun nuk ka kërkuar që të largohet për ndihmë më të specializuar.

30 Maj 2022, 15:16 Nga DOSJA

 

Polici humbi jetën në punë, reagon Burgu i Shënkollit: U
Foto ilustruese

 

LEZHË- Drejtoria e burgut në Shenkoll të Lezhës, ka reaguar për rastin ku humbi jetën gardiani i burgut, në moshën 62-vjeçare Gjovalin Frroku. Në reagimin e bërë, Drejtoria e Burgut bën me dije se janë ndjekur të gjitha procedurat për rastin në fjalë. Ndërkohë polici i burgut të Shënkollit kërkoi ndihmë, pasi nuk ishte ndjerë mirë, por mjeku nuk konstatoi problem shqetësuese ndaj edhe vijoi të qëndronte punë.

Drejtori i burgut të Shenkollit, Leonard Mardoda, i kontaktuar nga "News24" bën me dije se Frroku nuk mori trajtim të specializuar, pasi kur ka mbaruar vizitën me mjekun nuk ka kërkuar që të largohet për ndihmë më të specializuar.

"Polici i burgut të Shënkollit mbërriti ne punë në orën 22:00 dhe turnin do e përfundonte në orën 06:30 minuta. Ai nuk ka shprehur asnjë shqetësim apo problem shëndetësore. Ka qenë ora 03:30 minuta, kur ai ka telefonuar specialistin e informacionit duke kërkuar ndihme mjekësore pasi nuk ndihej mire. Brenda 5 minutash, specialisti i informacionit, mjeku dhe ndihmës mjeku i kanë shkuar në ndihmë. Mjeku që ka kryer viziten nuk ka konstatuar probleme  shqetësuese për të cilin ai duhej zëvendësuar e për pasojë ai ka vijuar të qendroje në punë deri në orën 7:11 minuta dhe pasi ka dorëzuar punën, në orën 7:12 minuta është larguar. Gjovalin Frroku është larguar bashkë me trupën tjetër të punës, por sërish është përkeqsuar dhe pasi është dërguar ne Spitalin e Lezhës është nisur me urgjencë drejt Tiranës, por nuk ka mundur të jetojë,"-tha ai.

Ndërkohë që në lidhje me këtë ngjarje reagoi edhe Sindikatë e punonjësve të policisë së burgjeve, të cilë paralajmërojnë protesta. E po ashtu, në reagimin e tyre mungesa e mjekut të punës sipas ligjit, mungesa e trajtimit ushqimor, mungesa e uniformave, pagat e ulëta dhe demotivimi në shërbim, po sjellin pasoja të rënda për këta punonjës.

(k.m/dosja.al)

 

Sondazh

Poll

MË SHUMË