Politike

Vdekja e Nishanit, Shehu: Lajm pikëllues, do e kujtoj me respekt dhe nderim

Shehu thotë se lajmi i trishtë i ka pikëlluar të gjithëve.

28 Maj 2022, 15:18 Nga DOSJA
Vdekja e Nishanit, Shehu: Lajm pikëllues, do e kujtoj me respekt dhe nderim
Tritan Shehu

TIRANË- Deputeti demokrat, Tritan Shehu ka reaguar pas ndarjes nga jeta të ish-presidentit Bujar Nishanit. Përmes një shkrimi në rrjetet sociale, Shehu thotë se lajmi i trishtë i ka pikëlluar të gjithëve.

REAGIMI:

Nje lajm shume i trishte na pikellon te gjitheve. Bujar Nishani ndron jete mbas nje semundje te rende. Nje humbje e madhe kjo per familjen, politiken shqiptare, PD, per te gjithe. Ngushellimet me te sinqerta rrethit te tij familjar, miqve, shokeve, bashkepuntoreve. Do ta kujtojme gjithemone me respekt dhe nderim te vecante.

Ish-Presidenti i Republikës së Shqipërisë, Bujar Nishani ndërroi jetë mëngjesin e sotëm në një spital në Gjermani. Prej disa kohësh ai ishte shtruar për t'u trajtuar për shkak të komplikacioneve që kaloi pas Covid-19. Nishani kaloi në vdekje klinike pa mundësi rikthimi në jetë. Situata shëndetësore e ish-kreut të shtetit u rëndua pas infektimit të tij me COVID-19 dy muaj më parë. Ai vuante nga një sëmundje autoimune në mëlçi dhe nuk arriti t’i tejkalojë pasojat që virusi famëkeq i la në organizëm.

(a.b)/dosja.al

Sondazh

Poll