Politike

Ndarja nga jeta e Nishanit, Meta: Humbje e madhe, kontributi i tij do kujtohet përherë me respekt

Kreu i shtetit shpreh ngushëllime familjes dhe të afërmit e Nishanit.

28 Maj 2022, 15:04 Nga DOSJA
Ndarja nga jeta e Nishanit, Meta: Humbje e madhe, kontributi i tij do kujtohet
Ilir Meta dhe Bujar Nishani

TIRANË- Presidenti Ilir Meta ka reaguar pas ndarjes nga jeta të ish-presidentit të vendit, Bujar Nishanit. Meta thotë se me trishtim dhe hidhërim mësoi për lajmin e trishtë. Kreu i shtetit shpreh ngushëllime familjes dhe të afërmit e Nishanit. Për Metën, Nishani do të mbetet një personalitet me vlera dhe me integritet.

REAGIMI I METËS:

Me trishtim dhe hidhërim të thellë mora lajmin e largimit nga jeta të Presidentit Bujar Nishani. Ngushëllimet më të ndjera për bashkëshorten Odeta, fëmijët Ersi dhe Fiona, dhe të afërmit për këtë humbje të madhe. Presidenti Nishani do të kujtohet gjithnjë si një personalitet me vlera të rralla të një udhëheqësi me integritet dhe vizion. Kontributi i tij për Shqipërinë dhe demokracinë do të kujtohet përherë me respekt I paharruar kujtimi i President Nishanit. Të prehet në paqen e merituar!

Ish-Presidenti i Republikës së Shqipërisë, Bujar Nishani ndërroi jetë mëngjesin e sotëm në një spital në Gjermani. Prej disa kohësh ai ishte shtruar për t'u trajtuar për shkak të komplikacioneve që kaloi pas Covid-19. Nishani kaloi në vdekje klinike pa mundësi rikthimi në jetë. Situata shëndetësore e ish-kreut të shtetit u rëndua pas infektimit të tij me COVID-19 dy muaj më parë. Ai vuante nga një sëmundje autoimune në mëlçi dhe nuk arriti t’i tejkalojë pasojat që virusi famëkeq i ka lënë në organizëm.

(a.b)/dosja.al

Sondazh

Poll

MË SHUMË