Politike

Ndarja nga jeta e Bujar Nishanit, Bardhi: Ditë zie, na tronditi të gjithëve

Bardhi e quan ditën e sotme ditë zie. Ai shton se lajmi i trishtë e ka tronditur shumë.

28 Maj 2022, 15:00 Nga DOSJA
Ndarja nga jeta e Bujar Nishanit, Bardhi: Ditë zie, na tronditi të
Gazment Bardhi dhe Bujar Nishani

TIRANË- Deputeti i Partisë Demokratike, Gazment Bardhi ka shprehur ngushëllimet për ndarjen nga jeta të ish-presidentit të vendit, Bujar Nishanit. Përmes një reagimi në rrjetet sociale, Bardhi e quan ditën e sotme ditë zie. Ai shton se lajmi i trishtë e ka tronditur shumë.

REAGIMI:

Sot për familjen tonë të madhe është një ditë zie. Ndarja e parakohshme nga jeta e Presidentit Bujar Nishani na ka tronditur të gjithëve. Ngushëllimet më të ndjera familjes, të afërmve dhe miqve, të prehet në paqe dhe përherë i paharruar në kujtimet tona!

Ish-Presidenti i Republikës së Shqipërisë, Bujar Nishani ndërroi jetë mëngjesin e sotëm në një spital në Gjermani. Prej disa kohësh ai ishte shtruar për t'u trajtuar për shkak të komplikacioneve që kaloi pas Covid-19. Nishani kaloi në vdekje klinike pa mundësi rikthimi në jetë. Situata shëndetësore e ish-kreut të shtetit u rëndua pas infektimit të tij me COVID-19 dy muaj më parë. Ai vuante nga një sëmundje autoimune në mëlçi dhe nuk arriti t’i tejkalojë pasojat që virusi famëkeq i ka lënë në organizëm.

(a.b)dosja.al

Sondazh

Poll

MË SHUMË