Aktualitet

KPK e konfirmoi në detyrë, KPA lë në fuqi vendimin për gjyqtaren Osmani

Osmani iu nënshtrua procesit të vetingut për tri kriteret e rivlerësimit kalimtar, përfshirë pastërtinë e figurës, pasurinë dhe profesionalizmin.

27 Maj 2022, 14:26 Nga DOSJA

KPK e konfirmoi në detyrë, KPA lë në fuqi vendimin për

Marinela Osmani

TIRANË- Kolegji i Posaçëm i Apelimit ka lënë në fuqi vendimin për gjyqtaren Marinela Osmanin. Gjyqtarja u konfirmua në detyrë në datë 11 shkurt nga Komisioni i Pavarur i Kualifikimit. Osmani iu nënshtrua procesit të vetingut për tri kriteret e rivlerësimit kalimtar, përfshirë pastërtinë e figurës, pasurinë dhe profesionalizmin.

NJOFTIMI I VENDIMIT:

Trupi gjykues i Kolegjit të Posaçëm të Apelimit, i përbërë nga Albana Shtylla kryesuese, Sokol Çomo relator, Ina Rama, Natasha Mulaj, Rezarta Schuetz anëtarë, shpalli vendimin për çështjen (JR) nr.26/2021, datë 17.05.2021, që i përket ankimit të Komisionerit Publik kundër vendimit të Komisionit të Pavarur të Kualifikimit nr. 344, datë 11.02.2021, që lidhet me subjektin e rivlerësimit Marinela Osmani.
Në përfundim të gjykimit, trupi gjykues, bazuar në nenin 66, pika 1, shkronja “a” e ligjit nr.84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi:
1. Lënien në fuqi të vendimit të Komisionit të Pavarur të Kualifikimit nr. 344, datë 11.02.2021, që i përket subjektit të rivlerësimit Marinela Osmani.
2. Ky vendim është përfundimtar dhe ka efekt të menjëhershëm.
U shpall sot, në Tiranë, më datë 27.05.2022.

(a.b)/dosja.al