Aktualitet

E RËNDË në Devoll/ Ngatërroi ujin me rakinë, piu gjysmë litri, vdes 2-vjeçari

I mituri konsumoi rakinë e cila ishte lënë në një shishe nga familjarët e tij në banesë.

27 Maj 2022, 12:30 Nga DOSJA
E RËNDË në Devoll/ Ngatërroi ujin me rakinë, piu
Spital

KORÇË- Ngjarje e rëndë! Një 2-vjeçar ka ndërruar jetë ditën e sotme në Devoll si pasojë e konsumit të alkoolit. Policia bën të ditur se fëmija i mitur mbërriti i pajetë paraditen e sotme në spitalin e Bilishtit. 

I mituri në kohën kur nëna kryente punët e shtëpisë, ka marrë një bidon gjysmë litër që ka menduar se ka qenë me ujë, por në fakt ka qenë me raki. Pasi e ka konsumuar sipas mjekëve i ka bllokuar rrugët e frymëmarrjes duke i sjellë vdekjen. Nëna e gjeti të shtrirë në dysheme dhe e kanë çuar menjëherë në spital por fatkeqësisht fëmija ka ndërruar jetë në banesë. Grupi hetimor po punon për zbardhjen e rrethanave të ngjarjes.

NJOFTIMI I POLICISË;

Paraditen e sotme, në spitalin e Bilishtit, ka mbërritur i pajetë një i mitur 2-vjeçar, nga fshati Sul, Devoll. Nga të dhënat e para dhe deklarimet e stafit mjekësor, dyshohet se fëmija ka humbur jetën pasi ka konsumuar aksidentalisht një sasi pije alkoolike (raki), nga një shishe që familjarët e kishin lënë në banesë. Grupi hetimor po punon për zbardhjen e rrethanave të ngjarjes.

(a.b)/dosja.al

Sondazh

Poll

MË SHUMË