Aktualitet

Riatdhesohen 13 shqiptarë nga kampi në Siri, mes tyre edhe gruaja e Genc Ballës

Mes 13 të riatdhesuarve edhe gruaja e dytë e Genc Ballës, Almira Kastrati dhe 2 djemtë. 

27 Maj 2022, 13:43 Nga DOSJA
 
Riatdhesohen 13 shqiptarë nga kampi në Siri, mes tyre edhe gruaja e
Riatdhesim

TIRANË- Disa shqiptarë janë riatdhesuar nga kampi në Siri. Raportohet se janë riatdhesuar 4 gra dhe 9 fëmijë nga kampi Roi. Operacioni i riatdhesimit ka nisur para pak ditësh. Mes 13 të riatdhesuarve edhe gruaja e dytë e Genc Ballës, Almira Kastrati dhe 2 djemtë. Lajmin e ka bërë me dije në Twitter, zyrtari i lartë sirian Dr. Abdulkarim Omar.

“Më 27 Maj 2022, 13 shtetas shqiptarë (4 gra dhe 9 fëmijë) të familjeve të organizatës ISIS i janë dorëzuar një delegacioni zyrtar të qeverisë shqiptare, pas nënshkrimit të dokumentit zyrtar të dorëzimit ndërmjet AANES dhe Republikës së Shqipërisë”, ka shkruar ai.

Genci Balla, imami i vetëshpallur i Xhamisë së Unazës së re, u dënua me 17 vite burg si kreu i grupit që rekrutonte luftëtarë nga Shqipëria drejt Sirisë.

Numri i të riatdhesuarve shqiptarë nga kampet e ferrit në Siri, Roj e Alhol shkon në 38. Në fund të korrikut të kaluar ishte riatdhesimi i fundit, kur erdhi 5 gra shqiptare dhe 14 fëmijë që jetonin prej vitesh në kampin famëkeq “Al Hol” në Siri.

(a.b)/dosja.al

 

Sondazh

Poll

MË SHUMË