Politike

VKM/ Ulet mesatarja për gjuhët e huaja, ‘lirohet’ GJL, riaktivizohet koncensioni për Thumanë-Kashar

Ministri Manja nuk zbuloi asnjë emër të ndonjë nga kryebashkiakët që do të kallëzohen në SPAK që i paralajmëroi vetë më herët. Ai tha se hetimet janë në proces e sipër ndaj nuk do të bëjë asgjë publike, por që janë duke u hetuar mbi 333 raste dhe ankesa që lidhen me kryebashkiakë dhe institucione të ndryshme.

26 Maj 2022, 16:18 Nga DOSJA
VKM/ Ulet mesatarja për gjuhët e huaja, ‘lirohet’ GJL,
Evis Kushi, Olta Xhaçka, Belinda Balluku, Niko Peleshi dhe Ulsi Manja

TIRANË- Qeveria ka miratuar udhëzimin që detyron administratën shtetërore, të heqë dorë nga 3.800 çështje për të cilat kishte bërë rekurs në Gjykatën e Lartë. Bëhet fjalë për dosje kundër ish-nëpunësve që kanë fituar në 2 shkallët e drejtësisë deri në 40 paga minimale dëmshpërblim. Lajmin e bëri me dije Ministri i Drejtësisë Ulsi Manja, i cili tha se kjo gjë do të ulë stokun e më shumë se 35 mijë dosjeve që presin në Gjykatën e Lartë. Përgjithësisht rekurset nga duhet hequr dorë kanë të bëjnë me zgjidhjen e mosmarrëveshjeve të punës, me njohjen, apo vërtetimin e vjetërsisë në punë, apo në paditë me shpërblim dëmi, dhe aty ku shteti e ka humbur në të dy shkallët e gjykimit çështjen.

Ministri Manja nuk zbuloi asnjë emër të ndonjë nga kryebashkiakët që do të kallëzohen në SPAK që i paralajmëroi vetë më herët. Ai tha se hetimet janë në proces e sipër ndaj nuk do të bëjë asgjë publike, por që janë duke u hetuar mbi 333 raste dhe ankesa që lidhen me kryebashkiakë dhe institucione të ndryshme. Ministrja e Infrastrukturës dhe Energjisë, Belinda Balluku bëri me dije se qeveria ka vendosur që të bëjë transferimin e të dhënave për licencat e minierave. Ajo tha se gjithçka është bërë për të shmangur tregtimin e licencave në mënyrë të paligjshme.

Balluku tha gjithashtu se koncesioni për aksin Thumanë-Kashar është riaktivizuar me parametra të rinj. Ministrja e Energjisë u ndal edhe çmimi i energjisë elektrike. Ajo tha se familjet dhe bizneset e vogla do të vijojnë të mos preken nga çmimi i lartë i energjisë, por nuk do të ndodhë e njëjta gjë për ata që jetojnë në vila luksoze. Sipas Ballukut, të harxhosh mbi 5 mijë KËH do të thotë të jetosh në vila, të kesh pishina e të lësh dritat ndezur kot, kështu që s’mund të paguash të njëjtin çmim me pjesën tjetër te qytetarëve.

Qeveria Shqiptare ka dhënë zyrtarisht dritën jeshile anëtarësimit të Suedisë dhe Finlandës në NATO. Ministrja e Jashtme, Olta Xhaçka tha se vendimi është marrë gjatë Këshillit të Ministrave. Xhaçka u pyet për çështjen e detit me Greqinë dhe tha se Shqipëria po bën gati dosjen. Ministri i Mbrojtjes, Niko Peleshi tha se pajisja e Shqipërisë me raketa anti-tank, ka qenë e planifikuar para se të ndodhte lufta në Ukrainë. Peleshi shtoi se Shqipëria ka shtuar kontributin e saj në NATO dhe se do të ketë një togë edhe në Bullgari.

Ministrja e Arsimit Evis Kushi tha se mesatarja për degët e mësuesisë është ulur nga 7.5 shkon në 6.5. Sipas Kushit, vendimi është marrë në mbledhjen e qeverisë, pasi shumë maturantë nuk aplikanin në degët e gjuhëve të huaja dhe të gjuhë letërsisë për shkak të mesatares. Ajo shtoi se gjithsesi, ata që do të ztudiojnë për këto degë me mesatare më të ulët se 7.5 nuk do të mund të bëjnë master për mësuesi.

(f.m/dosja.al)

Sondazh

Poll

MË SHUMË