Politike

VD-Bylykbashi anëtar i Reformës Zgjedhore, Alibeaj: Nuk është provokim

Alibeaj deklaroi se Bylykbashi është me eksperiencë për detyrën që i kanë lënë.

26 Maj 2022, 14:31 Nga DOSJA
VD-Bylykbashi anëtar i Reformës Zgjedhore, Alibeaj: Nuk
Enkelejd Alibeaj

TIRANË- Deputeti i Partisë Demokratike, Enkelejd Alibeaj deklaroi ditën e sotme se propozimi si anëtar i deputetit Oerd Bylykbashin nuk është provokim. I pyetur se përse zgjodhi Bylykbashin, Alibeaj shtoi se ai është me eksperiencë për detyrën që i kanë lënë.

A ishte provokim propozimi i Bylykbashit si anëtar për Reformën Zgjedhor? Nuk ka asnjë provokim në propozimin e zotit Bylykbashi, emrat e propozuar janë njerëz me eksperiencë. Zoti Bylykbashi është propozuar pasi është një magazinë, ka të dokumentuara diskutimet e mëparshme për çështjen  e Reformës Zgjedhore.

A mund të përballet me Ramën me 20 deputetë? Përballja me Ramën bëhet me moral, nga ana jonë, me ide, që ne të përcjellim dhe mbrojmë fort nevojat e demokratëve dhe të shqiptarëve. Ka nevojë për të riparë reformën territoriale, këtë e thonë të gjithë. Kjo është ideja e moralshme që duhet të na çojë ne përpara, ajo që ne besojmë është që ne kemi detyrimin që ne ta bëjmë këtë punë. Nuk është çështje numrash, është çështje idesh. Unë nuk jam një njeri që luaj me numrat, deputeti nuk është numër, është qëndrim, është identitet, është ide.

(a.b)/dosja.al

Sondazh

Poll