Sport

Krijohet ‘Tango D10S’, avioni privat në nderim të Diego Maradonës

Kompania “Give and Get” ofron udhëtime me një aeroplan në ngjyrat e Argjentinës dhe të zbukuruar me suvenire të Diego Maradonës.

26 Maj 2022, 11:52 Nga DOSJA
Krijohet ‘Tango D10S’, avioni privat në nderim të Diego

ARGJENTINE - Udhëtimi me Maradonën legjendar tashmë është i mundur falë "Tango D10S", një avion privat i dekoruar me imazhe dhe kujtime të superyllit të futbollit argjentinas, i cili u nda nga jeta në nëntor 2020.

Avioni me dhjetë vende është zbukuruar me ngjyrat e flamurit argjentinas, me një imazh të Maradonës duke puthur Kupën e Botës dhe një tjetër që aludon për "dorën e Zotit". Brendësia është e dekoruar plotësisht me kujtime nga "Pibe de oro" dhe është e pajisur me një sistem për të bashkëvepruar me zërin dhe imazhin e argjentinasit.

Ky projekt u lançua dhe u financua nga kompania e specializuar në hotele online “Give and Get”. Në fund të fundit, ideja është që "ta çojmë në Meksikë, Napoli, Dubai, të gjitha vendet që kanë qenë emblematike në jetën e Maradonës",- shpjegoi Gastón Kolker, CEO i kompanisë.

Një ide e mirëpritur nga Dalma Maradona, motra e të ndjerit: “Ai do të kishte dashur një gjë të tillë”,- tha ajo. Avioni do të udhëtojë në Katar për Kupën e Botës së ardhshme dhe më pas do të dalë në ankand për të mbështetur bamirësi, tha kompania “Give and Get”.

B.T (Dosja.al)

Sondazh

Poll

MË SHUMË