Bota

Policia varros 150 persona në një varr masiv në Luhansk

Sipas guvernatorit të Luhansk, Serhiy Haidai, trupat e 150 personave janë varrosur në një varr masiv. 

26 Maj 2022, 08:36 Nga DOSJA
Policia varros 150 persona në një varr masiv në Luhansk
Varri masiv në Luhansk

UKRAINË- Dhjetra trupa janë varrusur në një varr masiv nga policia në qytetin lindor të Ukrainës, Luhanks. Sipas guvernatorit të Luhansk, Serhiy Haidai, trupat e 150 personave janë varrosur në një varr masiv.

Trupat e viktimave janë të mbështjellë me qese plastike dhe me emra të shkruar mbi to, pasi guvernatori thotë se do të jetë me lehtë t'i identifikojmë kur lufta të mbarojë.

Sipas CNN, ai u shpreh se gjendja e jashtëzakonshme detyron policinë të marrë role të ndryshme që nuk janë përgjegjësi e tyre. Në varrët masive janë trupat e pajetë të njerëzve që humbën jetën nga bombardimet e vazhdueshme ruse por edhe ata që kanë vdekur për shkaqe natyrore.

Në videot e publikuara duken kufomat në çanta të bardha me etiketa që mbajnë të shënuar emrin e tyre. Sipas Haidait, trupat ruse kanë pushtuar 95% të rajonit të Luhanskut ndërkohë që situata është "shumë e keqe".

Lufta në Ukrainë është në ditën e saj të 92-të ndërkohë presidenti ukrainas Volodymyr Zelesnkyy tha se nuk do të bëhet asnjë ndryshim territorial për të bërë armëpushim. Ndërsa ministri i jashtëm ukrainas kritikoi NATO-n se nuk po bën asgjë për të ndalur agresionin rus në Ukrainë.

(j.c)/dosja.al 

Sondazh

Poll

MË SHUMË