Bota

Sërish alarm për bombë në Prishtinë, policia rreton Universitetin dhe evakuon studentët

Sipas policisë, taktika e ndjekur është e njëjta e një jave më parë ku ka një adresë e panjohur është dërguar një email ku thuhej se një bombë do të shpërthejë në Universitetin 'Hasan Prishtina'.

24 Maj 2022, 13:02 Nga DOSJA
Sërish alarm për bombë në Prishtinë, policia rreton
Foto ilustruese

KOSOVË- Ditën e sotme sërish është dërguar një email kërcënues për vënie bombe në ambjentet e Universitetit të Prishtinës.

Sipas policisë, taktika e ndjekur është e njëjta e një jave më parë ku ka një adresë e panjohur është dërguar një email ku thuhej se një bombë do të shpërthejë në Universitetin 'Hasan Prishtina'.

Forca të shumta policie kanë rrethuar perimetrin e Universitetit si dhe kanë evakuuar të gjithë studentët dhe stafin deri në kontrollin e plotë të vendit.

Kjo është hera e disatë që në Prishtinë por dhe Beograd dërgohet emaile të tilla kërcënuese që më pas kanë rezultuar të rreme pasi nuk ka patur asnjë bombë të vendosur.

Javën e kaluar 3 emaile janë dërguar në adresë të rektoratit, te shkolla “Xhevdet Doda” si dhe te Stacioni i Autobusëve, por të gjitha kanë rezultuar të rreme.

(d.a/dosja.al)

Sondazh

Poll

MË SHUMË