Politike

Media austriake: Askush nuk dëshiron të bëhet president në Shqipëri

Konkretisht Kurier.at ka ironizuar procesin.

23 Maj 2022, 13:09 Nga DOSJA
Media austriake: Askush nuk dëshiron të bëhet president në
Ilir Meta dhe artikulli

AUSTRI- Procesi për zgjedhjen e presidentit të ri në Shqipëri po ndiqet edhe nga mediat ndërkombëtare. Konkretisht Kurier.at ka ironizuar procesin që deri më tani po zhvillohet pa pasur asnjë kandidat.

“Askush në Shqipëri nuk do të bëhet president,” është titulli i artikullit që përshkruan situatën në vendin tonë.

Artikulli i plotë:

Media austriake: Askush nuk dëshiron të bëhet president në
Artkulli

Shqipëria ka ende një president deri më 24 korrik. Në këtë datë i skadon mandati kreut aktual të shtetit shqiptar, Ilir Rexhep Meta. Për momentin është e pasigurt se kush do ta ndjekë, sepse asnjë parti parlamentare nuk ka propozuar kandidat për raundin e dytë të zgjedhjeve presidenciale. Afati i regjistrimit ishte dje, e diel, ora 16:00.  Sipas procedurës aktuale, Presidenti i Shqipërisë zgjidhet në pesë raunde. Seanca e Kuvendit është caktuar për të hënën, kur duhet të zhvillohet edhe votimi i dytë. Për shkak të mos regjistrimit të kandidatëve, kjo paraprakisht konsiderohet e pasuksesshme. 

Sot në orën 18:00 pritet që të zhvillohet seanca plenare për zhvillimin e votimit të dytë për zgjedhjen e Presidentit të Republikës. Grupi parlamentar demokrat refuzoi që të propozonte kandidatura, ndërsa mazhoranca ka paralajmëruar se ato do të propozojnë emra vetëm në raundin e katërt dhe të pestë.  

PD u tërhoq nga gara me pretendimin se socialistët nuk do i ndihmonin për të arritur 20 firmat e nevojshme. Vetë Alibeaj tha se PS-ja ka shkelur marrëveshjen pasi ishte ‘trembur’ nga tetë kandidatët që ata paraqitën publikisht për të zëvendësuar Metën. Por Balla thotë se kjo gjë nuk ka ndodhur asnjëherë, që PS-ja nuk ka premtuar se do të bashkojë firmat me për të arritur kuorumin për kandidatin e Opozitës.  Gjithsej janë parashikuar pesë raunde votimi. Në tre të parat nevojitet një shumicë prej tre të pestash, ndërsa në dy raundet e fundit presidenti zgjidhet me shumicë të thjeshtë.

(F.m/dosja.al)

Sondazh

Poll

MË SHUMË