Bota

Pezullohen dy zyrtarë të policisë kufitare në Kosovë, njëri prej tyre me gradën major

IPK përmes rrugëve operative janë informuar lidhur me rastin ku dyshohej se disa punonjës të policisë kufitare janë të dyshuar për “Keqpërdorim të pozitës dhe autoritetit zyrtar”.

23 Maj 2022, 11:32 Nga DOSJA
Pezullohen dy zyrtarë të policisë kufitare në Kosovë,
Foto ilustruese

KOSOVË- Inspektorati Policor i Kosovës përmes një njoftimi për media ka bërë të ditur se ka pezulluar nga puna dy punonjës të policisë kufitare të Kosovës.

Inspektorati Policor i Kosovës respektivisht hetuesit e Departamentit të Hetimeve të IPK-së përmes rrugëve operative janë  informuar lidhur me rastin ku dyshohet se disa punonjës të policisë kufitare janë të dyshuar për “Keqpërdorim të pozitës dhe autoritetit zyrtar”.

Dy punonjësit janë pezulluar tashmë ndërkohë vazhdojnë hetimet për zbulimin e rasteve të tjera lidhur me ta. Njëri nga punonjësit ishte me gradë major.

Njoftimi i plotë:

Inspektorati Policor i Kosovës respektivisht hetuesit e Departamentit të Hetimeve të IPK-së përmes rrugëve operative janë  informuar lidhur me një rast ku dyshohet se disa zyrtarë policorë të policisë kufitare janë të dyshuar për “Keqpërdorim të pozitës dhe autoritetit zyrtar”.

Bazuar në veprimet hetimore që janë ndërmarrë deri më tani, zyrtarët policorë kanë qenë të përfshirë në një plan operativ dhe gjatë realizimit të këtij plani operativ dyshohet për lëshime nga zyrtarët përgjegjës.

Mbi bazën e të gjitha këtyre dyshimeve, është informuar prokurori i çështjes dhe me autorizim të tij janë ndërmarr veprime të  nevojshme lidhur me zbardhjen e rrethanave të  rastit dhe janë intervistuar 5 (pesë) zyrtarë policorë të  përfshirë në këtë çështje me dyshimin për veprën penale “Keqpërdorim i pozitës dhe autoritetit zyrtar”.

Lidhur me këtë rast me rekomandim të IPK-së janë suspenduar dy zyrtarë policorë të Drejtorisë Rajonale Kufitare në Lindje  (njëri nga ta me gradën major) përderisa hetuesit e IPK-së në koordinim më Prokurorinë e Shtetit do të vazhdojnë të ndërmarrin edhe veprime të tjera hetimore drejt ndriçimit të plotë të të gjitha rrethanave që ndërlidhen më këtë rast.

(j.c)/dosja.al 

 

Sondazh

Poll

MË SHUMË