Politike

Rrëzohet kërkesa e Vasilit për debat, Balla: Shkresa që erdhi në Kuvend s'mbante firmën e non-gratas

Ai tha se në media ka qarkulluar një shkresë me firmën e Berishës, ndërsa në Kuvend u ka shkuar një tjetër për të. Për këtë gjë, ai përgëzoi Opozitën.

23 Maj 2022, 10:23 Nga DOSJA
Rrëzohet kërkesa e Vasilit për debat, Balla: Shkresa që
Taulant Balla

TIRANË- Kreu i grupit parlamentar të Partisë Socialiste Taulant Balla i është përgjigjur deputetit Petrit Vasili i cili kërkoi mocion me debat urgjent me kryeministrin Edi Rama në Kuvend për deklaratën e tij se Shqipëria do ndryshojë kurs nëse në qershor nuk hapen negociatat e anëtarësimit e do kërkojë ndarjen e nga Maqedonia e Veriut. Nga foltorja në Kuvend, Balla tha se kërkesa nuk mbante firmën e ish-kryeministrit Sali Berisha. Ai tha se në media ka qarkulluar një shkresë me firmën e Berishës, ndërsa në Kuvend u ka shkuar një tjetër për të. Për këtë gjë, ai përgëzoi Opozitën.

“Në shkresën që na është dhënë këtu në Kuvend nuk ka qenë firma i non-gratës. Ndërsa në media ka qarkulluar një tjetër shkresë ku është vendosur edhe firma i non-gratës. Ju përgëzoj sepse kjo tregon që keni hequr dorë nga kjo gjë, nga propozimet e non-gratas. Kështu që arsyeja e refuzimit nuk ka qenë firma, sepse firma s’ishte fare në dokumentin që erdhi tek ne. Mocion me debat për këtë çështje se Shqipëria në rast se nuk do të mbahet konferenca e parë qeveritare për shkak të vetos bullgare do të ketë të drejtë të kërkojë ndarjen nga Maqedonia e Veriut, natyrshëm kemi zhvilluar një proces shumë të gjerë konsultimi me të gjithë shqiptarët. 2/3 janë përgjigjur pozitivisht ndaj kësaj çështjeje. Shqipëria nuk ka pse të merret peng,”- tha Balla.

(F.m/dosja.al)

Sondazh

Poll

MË SHUMË