Sport

Këshilla e Piolit: “Duhet të luajmë si Milani, deri tani kemi qenë më të mirët”

Kuqezinjve u mjafton vetëm një pike për t’u shpallur kampionë të Italisë, në ndeshjen e sotme Sassuolo-Milan, në orën 18:00. Trajneri i "Djajave" kërkon kujdes dhe entuziazëm...

22 Maj 2022, 07:29 Nga DOSJA
Këshilla e Piolit: “Duhet të luajmë si Milani, deri tani

ITALI - Milanit i mjafton një pikë për t'u shpallur kampion i Italisë. Pengesa e fundit quhet Sassuolo dhe Stefano Pioli nuk dëshiron të humbasë përqendrimin te më e bukura:

“Jemi të parët me meritë, deri tani kemi qenë më të mirët, por do të duhet të jemi edhe sot. Nuk ka rëndësi çfarë bëmë deri dje, por çfarë do të mundemi të bëjmë sot ka rëndësi."

Trajneri i kuqezinjve tregon edhe rrugën për të arritur suksesin: "Ne do të duhet të luajmë si Milan dhe të mos mendojmë se do të jetë një ndeshje e lehtë. Ne gjithmonë i kemi interpretuar mirë ndeshjet, por çdo ndeshje ka historinë e vet.

Ata driblojnë shumë mirë dhe kanë shumë cilësi. Ne duhet të jemi të vëmendshëm ndaj këtyre situatave dhe të gjejmë pikat e tyre të dobëta. Do të duhet të vendosim entuziazëm në fushë,"- ka deklaruar trajneri Pioli para takimit të sotëm ndaj Sassuolos. 

B.T (Dosja.al)

Sondazh

Poll

MË SHUMË