Politike

Bordet e çmimeve, Berisha: E blejnë me lecka oligarkët dhe flet sipas tyre

Berisha tha se në vendin tonë, çmimet rriten më shumë se askund tjetër.

20 Maj 2022, 20:10 Nga DOSJA
Bordet e çmimeve, Berisha: E blejnë me lecka oligarkët dhe flet
Sali Berisha

TIRANË- Bordi i vendosjes së çmimeve sipas ish-kryeministrit Sali Berisha komandohet nga oligarkët. Në një takim me demokratët në Vlorë, Berisha tha se në vendin tonë, çmimet rriten më shumë se askund tjetër. Berisha tha se kjo gjë ndodh pasi Qeveria ka zgjedhur një bord që cakton çmimet sipas dëshirës së oligarkëve.

"Ne demokratët duhet të sqarojmë se pse ne po varfërohemi? Pse ne si vend i pasurive të mëdha po kthehemi në ato vende të mallkuara për burimet pasurore. Atyre ia shfrytëzonin kolonizatorët, ne na e shfrytëzojnë ministrat. Si ka mundësi që të rriten çmimet më shumë se kudo tjetër? Rriten sepse janë të lidhur me qeverinë. Qeveria, në vend që të indeksojë, sepse kjo është alfa e tregut, ky çfarë bën, zgjedh një bord, thotë joqeveritare gjoja, thotë se ky bordi po cakton ky çmimet. Bordin e blejnë me lecka oligarkët dhe flet sipas tyre, dhe vetë heq përgjegjësitë,"- tha Berisha.

(F.m/dosja.al)

Sondazh

Poll