Sport

Juventusi i jep një lajm të keq Álvaro Moratas, i tregon derën...

Lojtari nga Madridi do të duhet të kthehet në Atlético Madrid dhe të gjejë një rrugëzgjidhje për të ardhmen e tij

20 Maj 2022, 14:31 Nga DOSJA
Juventusi i jep një lajm të keq Álvaro Moratas, i tregon

ITALI - Lajm i keq për Álvaro Morata, një lojtar i Atlético Madridit, i huazuar te Juventusi. Sulmuesi madrilen e ka të vështirë, në mos të pamundur, të vazhdojë në Itali, ku atij i pëlqen të vazhdojë.

Skuadra piemontese tashmë e ka njoftuar lojtarin se nuk do të paguajë klauzolën e blerjes së firmosur në transfertën e tij, e cila është 35 milionë euro. Këtë e konfirmon gazeta “Marca”.

Në këtë kuptim, skuadra italiane ka vendosur t'i investojë ato para diku tjetër, më me interes për të. Zhgënjimi i sezonit përflet për ardhjet e Paul Pogba, Ivan Perisic apo Angel Di Maria.

Edhe pse Allegri dëshiron të vazhdojë me Moratan, ideja e Juventusit është të mos paguajë atë që është rënë dakord. Klubi italian ka një limit prej 15 milionë eurosh për Moratan, shumë që Atlético nuk e pranon deri tani.

Megjithatë, skuadra madrilene ka avantazhin, sepse në këto javë të fundit është folur për një interesim ndaj sulmuesit nga disa klube të Premier League që do t'i afroheshin asaj që kërkonte Atlético. Sigurisht, në rastin e tij, ai nuk dëshiron vërtet të kthehet në Angli, ku nuk ishte i lumtur.

B.T (Dosja.al)

Sondazh

Poll

MË SHUMË