Politike

VD-'Ndryshojmë kursin'/ Rama: Nëse Bullgaria s'hap rrugë, do i shpëtojmë kthetrave të tyre

Rama tha se shqiptarët ia kanë dhënë aprovimin për t'u shkëputur nga Maqedonia e Veriut, nëse Bullgaria nuk heq veton. 

20 Maj 2022, 12:17 Nga DOSJA
VD-'Ndryshojmë kursin'/ Rama: Nëse Bullgaria s'hap
Edi Rama

TIRANË- Kryeministri Edi Rama deklaroi ditën e sotme se nëse Bullgaria nuk ndryshon mënyrë, Shqipëria do të marrë drejtim tjetër për integrimin e vendit në Bashkimin Europian. Gjatë konferencës së përbashkët me presidentin e Këshillit Europian, Rama tha se shqiptarët ia kanë dhënë aprovimin për t'u shkëputur nga Maqedonia e Veriut, nëse Bullgaria nuk heq veton. 

'Eshtë një pyetje me shumë rëndësi që të jepet përgjigja e plotë pa lënë të zërë vend ideja se këtu kemi të bëjmë me një shmangie. Prej disa kohësh, e kam diskutuar me presidentin e KiE, qoftë me kancelaren më parë, me kancelarin e ri.Duhet bërë një integrim i menjëhershëm në aspektin politik, në mënyrë që të bashkëjetojmë si një komunitet i njëjtë. Ne kemi të tjera detyrime se nuk jemi akoma anëtarët të plotë, ideja e një anëtari të asociuar po merr akoma dhe më shumë mbështetje, unë e mbështes vizionin e presidentit të Francës, për këtë komunitet të ri, për sa na takon jemi më afër BE, kur të vijë dita që të jemi anëtar të bashkuar do i japë fund të gjitha paranojave se BE s'do të na fusi e kështu. Për sa i përket Maqedonisë së Veriut, jemi në një linjë me KE, deri në fund kur të kryhet dhe mbledhja e KE ku jemi të ftuar të marrim pjesë, shpresojmë që Bullgaria të hapë rrugën, nëse kjo nuk ndodh do të ndryshojmë kursin, e kemi konsultuar, shqiptarët e kanë thënë duhet të ndahemi nga Maqedonia, për të qënë më të saktë për t'u shkëputur nga kthetrat e Bullgarisë.'- tha Rama. 

(a.b)/dosja.al

Sondazh

Poll

MË SHUMË