Politike

VD-Aksioni i SPAK, Berisha: U dekonspirua, Edi Rama u shqetësua, dha mesazh tek bandat

Berisha tha se dje u arrestuan vetëm ushtarët ndërkohë që bossët janë larguar pasi u telefonuan për atë që po ndodhte

20 Maj 2022, 12:14 Nga DOSJA
VD-Aksioni i SPAK, Berisha: U dekonspirua, Edi Rama u shqetësua, dha mesazh
Sali Berisha

TIRANË- Ish-kryeministri Sali Berisha deklaroi ditën e sotme se aksioni i djeshëm i SPAK u dekonspirua. Gjatë konferencës me gazetarët, Berisha tha se dje u arrestuan vetëm ushtarët ndërkohë që bossët janë larguar pasi u telefonuan për atë që po ndodhte. Më tej, ish-lideri i Partisë Demokratike tha se Rama u shqetësua për atë që po ndodhte ndaj dërgoi SMS te bossët e krimit. 

'Janë arrestuar gjithsej 7-8 ushtarë, kurse bossët u larguan pasi u njoftuan për në drejtime të paditura. Pse them unë u njoftuan? Nuk kam të dhëna se morën mesazhe, telefonata nga narkopolicia. Disa ditë më parë, u bë publike se Dumani, një vrasës serial, është bërë i penduar. është akti më madhor i dekonspirimit. Ata që e dinin se kishin bërë porosi tek dDumani, sigurisht lehtë e lehtë morën arratinë dhe u zhdukën. Askush nuk mund të thotë se kjo ishte e paqëllimshme. Ishte shumë i qëllimshëm ky njoftim. Sepse prapa çdo bossi qëndron një qeveritar. Lidhje të Edi Ramës, prokurorëve, policëve e kështu me radhë. Nuk ishte rastësi kjo që ndodhi. Shqiptarëve iu servir si një sukses, ishte blof. Mbështes çdo akt për ndëshkimin e krimit, por dënoj çdo akt të bashkëpunimit, përfshi Edi Ramën. Pse doli e përsëriti fjalët e kreut të SPAK dhe drejtorit të Policisë? E detyruan lidhjet me bandat dhe krimin. Në ved që të denonconte aktin e dekonspirimin, nuk ka nevojë që t'u çosh SMS.'- tha Berisha.

(a.b)/dosja.al

Sondazh

Poll

MË SHUMË