Politike

PD ‘non grata’ në BE? Berisha: Qëndrim personal i deputetit të CDU. Presidenti? Parodi

Sali Berisha tha se shtyrja e procesit edhe kësaj here do të shkakonte probleme në Tiranë. Lidhur me procesin e negociatave për kreun e shtetit që ka nisur në selinë e PD, Berisha tha shkurtimisht se ishte i neveritshëm. 

20 Maj 2022, 10:11 Nga DOSJA
PD ‘non grata’ në BE? Berisha: Qëndrim personal i
Sali Berisha

TIRANË- Ish-kryeministri Sali Berisha ka dalë ditën e sotme në një konferencë për mediat. Në fjalën e tij, Berisha ka përcjellë një mesazh për presidentin e KE, Charles Michel, që të çelen sa më shpejt negociatat e Shqipërisë me Bashkimin Europian. Edhe pse shton se Shqipëria ka ende problematika, Berisha tha se shtyrja e procesit edhe kësaj here do të shkakonte probleme në Tiranë. 

Po ashtu, Sali Berisha i është përgjigjur deputetit të CDU-së Gunther Krichbaum, i cili u shpreh se nëse lideri historik i Partisë Demokratike merr drejtimin e të djathtës shqiptare, PD shpallet ‘non grata’ nga partia simotër PPE. Berisha tha se ai është një qëndrim personal i tij, ndërsa theksoi se nuk mund të ndërhyjë në procesin e zgjedhjes së partisë simotër. 

Ndër të tjera në fjalën e tij, Berisha tha se kishte edhe një ftesë për deputetin e Budenstagut, ku i bëri thirrje që të hetojë në arkivat e vendit të tij dhe të gjejë një provë të vetme kundër tij. Ndërkohë që ish-kryeministri ka komentuar operacion e SPAK ditën e djeshme. Sipas tij, operacioni u dekonspirua me urdhër të kryeministrit Edi Rama.

Në lidhje me procesin gjyqësor të hapur në Francë kundër sekretarit amerikan të shtetit, Antony Blinken, Berisha tha se ka disa faktorë kundër. E para që nuk është shtetas francez dhe të BE-së. Po ashtu, Berisha komentoi edhe procesin e zgjedhjes së presidentit të ri, duke u shprehur se çdo veprim i Alibeajt nuk përfaqëson Partinë Demokratike, por ai po përdoret nga Edi Rama. Procesin e negociatave për kreun e shtetit që ka nisur në selinë e PD, Berisha tha shkurtimisht se ishte i neveritshëm. 

(a.b.k.m/dosja.al)

Sondazh

Poll

MË SHUMË