Politike

Presidenti i KE në Tiranë, i pari që mbështet “Open Ballkan”,Rama: Statusi 'vend i asociuar i BE', ideale

Zyrtari i lartë europian, Charles Michel ka shprehur mbështetjen e tij lidhur me nismën, që më herët i kanë dalë kundër zyrtarë të tjerë, të cilët e kanë cilësuar si një angazhim paralel me Procesin e Berlinit.

20 Maj 2022, 08:01 Nga DOSJA

Presidenti i KE në Tiranë, i pari që mbështet “Open

Charles Michel dhe Edi Rama

TIRANË- Presidenti i Këshillit Evropian, institucionit më të lartë të Bashkimit Evropian, Charles Michel është bëri i pari zyrtar i lartë i BE që ka dalë në mbështetje të “Open Ballkan”. Pasi ka mbërritur për vizitë në Tiranë, ai ka dalë në një prononcim për mediat me kryeministrin Edi Rama, ku edhe ka shprehur mbështetjen e tij lidhur me nismën, që më herët i kanë dalë kundër zyrtarë të tjerë, të cilët e kanë cilësuar si një angazhim paralel me Procesin e Berlinit.

Po ashtu, në fjalën e tij, Michel tha se vendet e Ballkanit nuk do të lihen mënjanë. Ai foli edhe për idenë e një statusit 'vendi i asociuar në BE' për vendet e Ballkanit, status, i cili do të jepte më shumë rol në union por pa qenë anëtar i plotë.

Gjithashtu, për këtë ide foli edhe kryeministri Rama, i cili doli në krah të idesë së propozuar nga presidenti francez Emmanuel Macron. Për Ramën, kjo ide do t'i jepte fund një herë e mirë edhe paranojave që thonë se Bashkimi Evropian i ka lënë mënjanë vendet e Ballkanit Perëndimor.

Lidhur me procesin e çeljes së negociatave këtë qershor për Shqipërinë dhe Maqedoninë e Veriut, presidenti i Këshillit Evropian, Charles Michel u shpreh se është mëse i merituar. Ndërsa kreu i qeverisë shqiptare ka përmendur edhe njëherë “kërcenimin” se nëse edhe këtë herë nuk ka një marrëveshje për çeljen e negociatave, atëherë vendi ynë ka të drejtë të kërkojë ndarjen nga Maqedonia e Veriut, e cila sipas tij mbahet peng prej Bullgarisë. Më pas, bdalur në dy raportet e miratuara nga Parlamenti Europian, i cili i kërkoi BE-së që të nisë negociatat me Shqipërinë.

Michel erdhi dje në rajon, duke nisur vizitën në rajon nga Serbinë, ku takoi presidentin Aleksandër Vuçiç, sot do të qëndrojë në Shqipëri. Ndërsa nesër ka planfikuar një takim me zyrtarë edhe në Bosnjë&Hercegovinë.

(a.b.k.m//Dosja.al)