Politike

Presidenti/ Berisha nxjerr karikaturën: Akti i vetëposhtërimit. Bardhi: Je damkosur

Ai publikoi një karikaturë ku shihej Bardhi, Alibeaj e kreu i grupit parlamntar të Partisë Socialiste, Taulant Balla. Bardhi i kujton shpalljen non-grata.

18 Maj 2022, 19:09 Nga DOSJA
Presidenti/ Berisha nxjerr karikaturën: Akti i vetëposhtërimit.
Gazment Bardhi dhe Sali Berisha

TIRANË- Përplasje mes ish-kryeministrit Sali Berisha e deputetit të Partisë Demokratike Gazment Bardhi. Në një postim në Facebook, Berisha e konsideruar aktin e vetëposhtërimit, përfshirjen e Bardhit dhe të Enkelejd Alibeajt në procesin e zgjedhjes së Presidentit të ri. Ai publikoi një karikaturë ku shihej Bardhi, Alibeaj e kreu i grupit parlamntar të Partisë Socialiste, Taulant Balla.

“Akti i vetëposhtërimit,”- shkruan Berisha në Facebook.

Por ky postim nuk ka mbetur pa përgjigje. Në një reagim në rrjetet sociale, Bardhi shkruan se Bersha është i damkosur ndërkombëtarisht pasi ka përdorur pushtetin për të pasuruar familjarët, duke i kujtuar akuzat e ngritura nga Departamenti Amerikan i Shtetit, pasi e shpalli non-grata.

Postimi i Bardhit:

Poshtërimi i vetvetes dmth të jesh damkosur ndërkombëtarisht se ke përdorur pushtetin për të pasuruar familjarët, dhe të mos ndalesh, por të kërkosh ti pasurosh akoma, duke marrë peng PD dhe duke baltosur me shpifje këdo që nuk është në PD si mburojë për familjen tënde. Sali Berisha duhet të ketë fondin e hipokrizisë me demokratët dhe përçarjet e tyre. Standardi i dyfishtë me gjykatat dëmton besimin e demokratëve në ringritjen e PD. Gjykata nuk mund të jetë e pavarur, kur Zhukri i Berishës vendos pro tij dhe është politike, kur gjykata nuk i nënshtrohet akuzave të tij. Vendimi i gjykatës për çështjen e PD, cilido qoftë ai, duhet t’i hapë rrugën bashkimit të vërtetë të demokratëve. Gjykata nuk mund të jetë e pavarur, kur Zhukri i Berishës vendos pro tij dhe është politike, kur gjykata nuk i nënshtrohet akuzave të tij. Vendimi i gjykatës për çështjen e PD, cilido qoftë ai, duhet t’i hapë rrugën bashkimit të vërtetë të demokratëve.

(i.a;f.m/dosja.al)

Sondazh

Poll

MË SHUMË