Bota

'Të largohen brenda 2 javësh', Moska dëbon 34 diplomatë francezë dhe 24 italianë

Lajmin e ka konfirmuar ministria e jashtme e vendit ku më herët gjatë ditës, ministria thirri ambasadorin francez në Rusi Pierre Levy për të shprehur protestën në lidhje me vendimin e Parisit për të shpallur persona jo grata 41 punonjës të misioneve diplomatike ruse në Francë.

18 Maj 2022, 14:22 Nga DOSJA
'Të largohen brenda 2 javësh', Moska dëbon 34
Zakarova

RUSI- Rusia ka vendosur të dëbojë 34 punonjës të misioneve diplomatike franceze dhe 24 të asaj italiane në Moskë si hakmarrje ndaj një lëvizjeje të ngjashme nga Parisi dhe Roma.

Lajmin e ka konfirmuar ministria e jashtme e vendit ku më herët gjatë ditës, ministria thirri ambasadorin francez në Rusi Pierre Levy për të shprehur protestën në lidhje me vendimin e Parisit për të shpallur persona jo grata 41 punonjës të misioneve diplomatike ruse në Francë.

“Si përgjigje, 34 punonjës të misioneve diplomatike franceze dhe 24 italiane në Rusi janë shpallur persona non grata. Ata janë urdhëruar të largohen nga territori i Rusisë brenda dy javësh nga data e dorëzimit të notës përkatëse tek ambasadori”, tha ministria.

Ministria i tha Sputnik atë ditë se kishte thirrur ambasadorin italian në Rusi Giorgio Starace për të njoftuar përgjigjen e Moskës ndaj dëbimit të diplomatëve rusë.

Rusia nisi "operacionin e saj special ushtarak" në Ukrainë në javën e fundit të shkurtit. Që atëherë, disa vende perëndimore kanë mbështetur Kievin në luftën e vazhdueshme dhe kanë vendosur disa sanksione ndaj Rusisë. 

(d.a/dosja.al)

Sondazh

Poll

MË SHUMË