Bota

OKB: Treguesit kritikë të klimës kanë thyer rekord në vitin 2021

Sekretari i përgjithshëm i OKB-së Antonio Guterres, u shpreh se raporti i gjendjes së klimës është fakti se njerëzit nuk kanë vepruar për ta parandaluar.

18 Maj 2022, 13:12 Nga DOSJA
OKB: Treguesit kritikë të klimës kanë thyer rekord në
Foto ilustruese

SHBA-Treguesit kritikë globalë të krizës klimatike, kanë thyer rekord në vitin 2021, sipas një raporti të OKB-së, nga rritja e oqeaneve deri te nivelet e emetimeve që bllokojnë nxehtësinë në atmosferë.

Sipas The Guardian, Organizata Botërore Meteorologjike e OKB-së (WMO), ka njoftuar se këto ishin shenja të qarta të ndikimit të njerëzimit në planet, i cili po sillte efekte afatgjata. Moti ekstrem, të cilin WMO e quajti fytyra e përditshme e emergjencës klimatike, shkaktoi një dëm të rëndë në jetë njerëzish dhe çoi në qindra miliarda dollarë dëme.

Sekretari i përgjithshëm i OKB-së Antonio Guterres, u shpreh se raporti i gjendjes së klimës është fakti se njerëzit nuk kanë vepruar për ta parandaluar.

“Raporti i sotëm i gjendjes së klimës është një fakt i dëshpëruar i dështimit të njerëzimit për të trajtuar krizën klimatike. Lëndët djegëse fosile janë një rrugë pa krye nga ana mjedisore dhe ekonomike”, tha Guterres.

Thatësirat dhe përmbytjet shkaktuan rritje të çmimeve të ushqimeve, të cilat janë përkeqësuar në vitin 2022. Raporti i Gjendjes së Klimës Globale të WMO në vitin 2021 gjithashtu zbuloi se shtatë vitet e fundit kanë qenë më të nxehtat e regjistruara.

WMO vuri në dukje valë të jashtëzakonshme të nxehtit në vitin 2021 në Amerikën e Veriut perëndimore dhe në Mesdhe, përmbytje vdekjeprurëse në Kinë dhe Evropën Perëndimore.

(d.d)/dosja.al

Sondazh

Poll

MË SHUMË