Bota

Nuk e duronte dot të qarën e tij, nëna adoptuese vret foshnjen në Britani

18 Maj 2022, 14:04 Nga DOSJA
Nuk e duronte dot të qarën e tij, nëna adoptuese vret foshnjen
Leiland-James

BRITANI- Një grua 38-vjeçare është shpallur fajtore në Britani pasi vrau një fëmijë, të cilin e kishte adoptuar, ngaqë nuk pushonte së qari.

Sipas Guardian, Laura Castle e shkundi me dhunë foshnjën deri sa ai humbi jetën, sepse siaps saj nuk pushonte së qari. Leiland-James Corkill ishte marrë nën kujdesin e Castle dhe bashkëshortit të saj më gusht të 2020. Pesë muaj më vonë, jo shumë kohë pas ditëlindjes së tij të parë, humbi jetën si pasojë e goditjeve në kokë.

Laura Castle fillimisht i tha familjes, miqve dhe policisë se Leiland-James vdiq për shkak të një aksidenti tragjik që ndodhi ndërsa burri i saj ishte në gjumë. Ajo i qëndroi kësaj historie derisa doli para gjykatës kur me lot u deklarua fajtore për vrasje.

Versioni i ri i ngjarjeve të Castle ishte se ajo kishte tronditur Leiland-James sepse ai nuk pushonte së qari dhe koka e tij u godit në një mbështetëse krahu të divanit para se të binte nga gjuri i saj në dysheme.

Gjykata dëgjoi detaje të mesazheve celulare mes çiftit, të zbuluara pas arrestimit të tyre. Laura Castle shkroi se foshnja ishte një "kokëtrashë", "një çantë m.." dhe "i shëndoshë".

Në nëntor 2020 u ngritën shqetësime se Laura Castle kishte thënë gjatë një vizite në familjen e saj se nuk e donte Leiland-James dhe po luftonte të lidhej me të. Kjo çoi në një diskutim rreth heqjes së Leiland-James nga kujdesi i çiftit. Laura Castle u përgjigj duke thënë se familja e saj e gjerë e donte djalin dhe "ai nuk po shkonte askund".

(d.a/dosja.al)

Sondazh

Poll

MË SHUMË