Aktualitet

Prag-tragjedia tek 'Nënë Tereza', policia procedon teknikun e administratorin: Defekt

Janë proceduar penalisht tekniku i ashensorit Ermal Braja, 45 vjeç, banues në Tiranë si dhe administrator i firmës ‘Sulollari Klima’, Ardian Sulollari, 52 vjeç, banues në Tiranë.

16 Maj 2022, 16:25 Nga DOSJA
Prag-tragjedia tek 'Nënë Tereza', policia procedon teknikun

TIRANË- Policia e Tiranës ka dalë me një njoftim zyrtar në lidhje me rrëzimin e ashensorit tek “Nënë Tereza” që gati shkaktoi një tragjedi. Në njoftim bëhet me dije se janë proceduar penalisht tekniku i ashensorit Ermal Braja, 45 vjeç, banues në Tiranë si dhe administrator i firmës ‘Sulollari Klima’, Ardian Sulollari, 52 vjeç, banues në Tiranë.

Njoftimi i Policisë Tiranë

Specialistët për Hetimin e Krimeve në Komisariatin e Policisë Nr. 4 proceduan penalisht në gjendje të lirë, për veprën penale "Shkelja e rregullave të mbrojtjes në punë", shtetasit: - E. B., 45 vjeç, banues në Tiranë, me detyrë teknik ashensori; - A. S., 52 vjeç, banues në Tiranë, me detyrë administrator i firmës së ashensorëve. Procedimi penal ndaj këtyre shtetasve filloi pasi më datë 15.05.2022, rreth orës 23:30, në spitalin "Nënë Tereza", në katin -1, barrelisti, shtetasi K. D., duke transportuar me barrelë shtetasen V. C., paciente në spital, për shkak të një defekti janë bllokuar brenda në ashensor dhe si pasojë janë dëmtuar. Materialet i kaluan Prokurorisë, për veprime të mëtejshme procedurale.

Mbrëmë, rreth orës 23:00, infermieri dhe një paciente, kanë mbetur të lënduar pas një defekti që ka ndodhur në ashensorin e spitalin ‘Nënë Tereza’. 80-vjeçarja dhe infermieri kanë pësuar dëme të mëdha. Dosja.al publikoi edhe pamje nga ngjarja e rëndë ku shihej një pellg i madh me gjak brenda ashensorit.

(F.m/dosja.al)

Sondazh

Poll

MË SHUMË