Bota

Raportohen 6 të vdekur në Koren e Veriut, pasi u pranua shpërthimi i Covid-it për herë të parë

Koreja e Veriut deri më tani ka shmangur ofertat e vaksinave kundër Covid nga Kina dhe Rusia, dhe përmes skemës Covax të Organizatës Botërore të Shëndetësisë, me sa duket sepse administrimi i vaksinave do të kërkonte monitorim të jashtëm.

13 Maj 2022, 13:30 Nga DOSJA

 

Raportohen 6 të vdekur në Koren e Veriut, pasi u pranua

KOREJA E VERIUT-Koreja e Veriut ka njoftuar se janë raportuar 6 vdekje të shkaktuara Covid-19, një ditë pasi pranuan për herë të parë se po trajtohej një shpërthim i koronavirusit.

Sipas The Guardian, 187,800 njerëz ishin duke u “izoluar dhe trajtuar”. Rreth 350,000 njerëz kishin shfaqur shenja si ethe përfshirë 18,000 që raportuan rishtazi simptoma.

Konfirmimi i vdekjes së pare në Korenë e Veriut nga Covid-19 erdhi pasi regjimi tha se po vendoste "masa maksimale emergjente" për të adresuar një shpërthim në kryeqytetin, Phenian.

Ekspertët besojnë se asnjë ose shumë pak nga 26 milionë njerëzit e vendit nuk janë vaksinuar dhe ka frikë në rritje se një shpërthim i rëndësishëm do të mposhtte shpejt shërbimet shëndetësore të pajisura dobët në vend.

Koreja e Veriut deri më tani ka shmangur ofertat e vaksinave kundër Covid nga Kina dhe Rusia, dhe përmes skemës Covax të Organizatës Botërore të Shëndetësisë, me sa duket sepse administrimi i vaksinave do të kërkonte monitorim të jashtëm.

Zëdhënës i ministrisë së jashtme kineze Zhao Lijian, ka njoftuar se Pekini i kishte ofruar ndihmë Koresë së Veriut në trajtimin e shpërthimit. SHBA nuk ka plane të menjëhershme për të ndarë vaksinat Covid-19 me Korenë e Veriut.

Koreja e Veriut kishte këmbëngulur se nuk kishte regjistruar asnjë rast të vetëm Covid që kur mbylli kufijtë e saj në fillimin e pandemisë më shumë se dy vjet më parë. Ky veprim ndërpreu tregtinë me Kinën dhe shkaktoi më shumë dëme në një ekonomi tashmë të goditur nga fatkeqësitë natyrore dhe sanksionet e OKB-së.

(d.d)/dosja.al

 

Sondazh

Poll

MË SHUMË