Politike

VD-Berisha: Rama iu përgjigj Zelenskyy-t flakë për flakë, pranon në vend vrasës dhe përdhunues rus

Berisha deklaroi se Rama iu përgjigj flakë më flakë mesazhit të presidentit ukrainas, Volodymyr Zelenskyy.

13 Maj 2022, 12:17 Nga DOSJA
VD-Berisha: Rama iu përgjigj Zelenskyy-t flakë për flakë,
Sali Berisha

TIRANË- Ish-kryeministri Sali Berisha deklaroi ditën e sotme se kryeministri Edi Rama po lejon në territorin shqiptar vrasës dhe përdhunues rusë. Gjatë konferencës për mediat, Berisha deklaroi se Rama iu përgjigj flakë më flakë mesazhit që presidenti ukrainas, Volodymyr Zelenskyy dha për shqiptarët. 

'Merr fund politika me 0 probleme nga jashtë. Askush tjetër, 0 probleme nuk do të thotë sherre po njohja e problemeve që ekzistojnë. Presidenti i Ukrainës, nderoi shqiptarët me një fjalim, ai pati vetëm një kërkesë, nuk kërkoi aeroplan dhe tanke, raketa as municione, kërkoi një gjë, mos lejoni turistët rusë të vijnë në brigjet tuaja. Rama flakë për flakë në mënyrë më të pacipë iu përgjigj se kjo nuk do të ndodhë. Unë jam këtu për ta dënuar këtë qëndrim, anti shqiptar, anti nato. Pse duhen vrasësit dhe përdhunuesit rusë të vijnë në brigjet tona? Kush e ka këtë moral vec Edi Ramës. Pse u dashka Shqipëria të ngjasojë me qëndrime me Rusinë? Pse duhet t'i pranojmë që të vijnë dhe të shplodhen në brigjet tona. Është akt i papërgjegjshëm. Cila është arsyeja? '- tha Berisha.

(a.b)/dosja.al

Sondazh

Poll

MË SHUMË