Sport

Italia kërkon të imitojë Spanjën, me një “Final Four” në Arabi…

3 Maj 2022, 10:04 Nga DOSJA

Italia kërkon të imitojë Spanjën, me një “Final

ITALI – Një Superkupë italiane në stilin spanjoll. Luigi De Siervo, administrator i Serisë A, ka konfirmuar synimin e vendit transalpin për ta luajtur sërish Superkupën në Arabinë Saudite. Ata e bënë tashmë për herë të parë, në fakt, në vitin 2018, por pandemia ndaloi marrëveshjen që kishin me vendin e Lindjes së Mesme. Dhe tani ata kanë gjetur kohën për t’u kthyer.

“Ne do të kthehemi në Arabi vitin e ardhshëm, kemi një kontratë që nuk e kemi shkëputur për shkak të klauzolave penale që kemi trashëguar. Por për të ardhmen po e vlerësojmë një kontratë jashtë vendit me një perspektivë më të madhe, duke përfshirë më shumë ekipe”,– tha De Siervo, duke konfirmuar kështu se Superkupa do të zhvillohet në dimër, pas Botërorit në Katar.

Përveç kësaj, ai në intervistën për ‘Radio Uno’ është shprehur për kopjimin e ‘formatit spanjol’ me katër skuadra. Domethënë jo vetëm fituesi i ‘Scudetto’ dhe i Kupës së Italisë, por edhe nënkampionët e të dy turneve. Tani për tani, siç është klasifikimi, kjo do të thotë se Interi, Juventusi dhe Milani janë 100% të klasifikuar. Dhe më pas ndoshta Napoli. Gjithçka për një “Final Four” me gjysmëfinale dhe një finale, sigurisht.

Italia, meqë ra fjala, është mësuar ta eksportojë Superkupën. Dhe jo vetëm në Lindjen e Mesme. Në vitin 1993 ata ishin pionierë që e çuan Superkupën në Shtetet e Bashkuara në një nga edicionet e para. Pikërisht në stadiumin Robert F. Kennedy në Uashington, me ndeshjen Milan kundër Torinos fituan ‘rossonerët’.

Më pas, një tjetër event në Shtetet e Bashkuara (këtë herë në Nju Jork, në stadiumin Giants), një tjetër në Tripoli (Libi), katër në Kinë, dy në Katar dhe të lartpërmendurat (2) në Arabinë Saudite, para pandemisë Covid-19.

B.T (Dosja.al)

Aksidenti i rëndë në Tiranë, si mund të shmangen ngjarje të tilla?

View Results

sport sport hidhet shorti i serisë a plazhi ne arabine saudite superkupë italiane të serisë a hidhet shorti i serisë a plazhi ne arabine saudite superkupë italiane të serisë a