Bota

Skandali në burgun e SHBA-ve, dy gra mbeten shtatzënë nga të dënuarit transgjinorë

14 Prill 2022, 13:24 Nga DOSJA
Skandali në burgun e SHBA-ve, dy gra mbeten shtatzënë nga të

SHBA- Dy gra të cilat vuanin dënimin në burgun e New Jersey kanë mbetur shtatzënë pasi kanë kryer marrëdhënie seksuale me një të burgosur transgjinor.

Sipas mediave vendase, gratë shtatzëna, të cilat nuk janë identifikuar, po strehohen në Institucionin Korrektues, Edna Mahan në Clinton, të cilin guvernatori i Nju Xhersit njoftoi planet për ta mbyllur vitin e kaluar. Drejtuesit e burgjeve thanë se në të dyja rastet marrëdhënia ishte konsensuale.

Është e paqartë nëse gratë kanë pasur marrëdhënie seksuale me të njëjtin të burgosur transgjinor apo nëse kanë qenë dy të burgosur të ndryshëm. Nuk dihet gjithashtu se ku ndodhen dy të burgosurat dhe nëse planifikojnë të vazhdojnë shtatzëninë e tyre. Një hetim është nisur.

Edna Mahan strehon 27 të burgosur transgjinorë dhe më shumë se 800 gra në total. Ajo është burgu i vetëm i grave në Garden State, që nuk u kërkon të burgosurve transgjinorë të ndjekin operacionin e gjinisë në mënyrë që të strehohen në qendrën e paraburgimit.

Drejtori Ekzekutiv i Punëve të Jashtme të DOC, Dan Sperrazza, tha gjithashtu se gratë shtatzëna kryenin marrëdhënie seksuale me vullnetin e tyre të lirë, pas akuzave të shumta për abuzim në burg.

Në vitin 2021, dy të burgosura të Edna Mahan ngritën një padi duke kërkuar revokimin e politikës së identitetit gjinor, pasi dyshohet se ishin ngacmuar nga të burgosurit transgjinorë. Gratë gjithashtu pohuan se të burgosurit transgjinorë kryenin aktivitet seksual me të burgosurat.

Sindikata që përfaqëson oficerët korrektues në institucionin lëshoi ​​një deklaratë duke denoncuar politikën që lejon burgosjen e grave transgjinore në Edna Mahan. Vitet e fundit, Edna Mahan është përballur me raporte për abuzime të përhapura dhe dështime sistematike. Dhjetë roje burgu përballen me akuza penale që rrjedhin nga një sulm i dyshuar ndaj të burgosurve, përfshirë një grua transgjinore, në janar 2020

(d.a/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

bota bota dan sperrazza new xhersi transgjinor ne burg dan sperrazza new xhersi transgjinor ne burg

Sondazh

Poll

MË SHUMË