Aktualitet

12 të arrestuar në Tiranë! Ndalime për dhunë dhe kokainë, 35-vjeçarja sulmon policin

11 Prill 2022, 12:35 Nga DOSJA
12 të arrestuar në Tiranë! Ndalime për dhunë dhe

TIRANË– Disa persona janë arrestuar në Tiranë për vepra të ndryshme penale. Mes tyre është edhe një 35-vjeçare e cila është ndaluar nga një efektiv i policisë rrugore pasi ishte e dehur në timon dhe kishte përplasur një tjetër automjet të drejtuar nga një grua. Pasi e ka ndaluar polici, në vend që të bindej, 35-vjeçarja ka reaguar keq ndaj efektivit të policisë duke e goditur atë.

NJOFTIMI I POLICISË:

Vihen në pranga 12 shtetas dhe procedohet penalisht në gjendje të lirë 1 tjetër, për vepra të ndryshme penale. Specialistët për Hetimin e Narkotikëve bënë arrestimin në flagrancë të shtetasve: – M. Q., 24 vjeç, banues në Tiranë, pasi gjatë kontrollit fizik nga shërbimet e Policisë, iu gjet dhe iu sekuestrua në cilësinë e provës materiale, një sasi lënde e dyshuar narkotike e llojit cannabis sativa; – F. S., 29 vjeç, banues në Tiranë, për veprat penale “Drejtimi i automjeteve në mënyrë të parregullt”, “Kundërshtimi i punonjësit të Policisë së rendit publik” dhe “Prodhimi dhe shitja e narkotikëve”. Ky shtetas është kapur nga shërbimet e Policisë, duke drejtuar mjetin e tij, në mënyrë të parregullt, dhe nuk i është bindur urdhrave të tyre për të ndaluar. Gjatë kontrollit fizik, këtij shtetasi iu gjet dhe iu sekuestrua në cilësinë e provës materiale, një sasi lënde e dyshuar narkotike, e llojit kokainë.Specialistët për Hetimin e Krimeve në Komisariatin e Policisë Nr. 1 bënë arrestimin në flagrancë të shtetasit E. S., 25 vjeç, banues në Tiranë, për veprën penale “Dhuna në familje”, pasi ka ushtruar dhunë fizike dhe psikologjike ndaj bashkëjetueses së tij. Specialistët për Hetimin e Krimeve në Komisariatin e Policisë Nr. 2 bënë arrestimin në flagrancë të shtetasit B. C., banues në Tiranë, për veprën penale “Dhuna në familje”, pasi ka ushtruar dhunë fizike dhe psikologjike ndaj bashkëshortes.Specialistët për Hetimin e Krimeve në Komisariatin e Policisë Nr. 3 bënë arrestimin në flagrancë të shtetasit I. A., 58 vjeç, banues në Tiranë, për veprën penale “Dhuna në familje”, pasi ka ushtruar dhunë fizike e psikologjike ndaj bashkëshortes. Specialistët për Hetimin e Krimeve në Komisariatin e Policisë Kavajë bënë arrestimin në flagrancë të shtetasit D. D., 35 vjeç, banues në Kavajë, për veprën penale “Kundërshtimi i punonjësit të policisë së rendit publik” dhe proceduan penalisht shtetasin e mitur K. H., 15 vjeç, banues në Kavajë, për veprën penale “Drejtimi i automjeteve në mënyrë të parregullt”. Shtetasi K. H. është kapur nga shërbimet e Policisë, duke drejtuar motomjetin në pronësi të shtetasit D. D., ndërsa ky i fundit ka kundështuar punonjësit e Policisë, për kryerjen e veprimeve.

Specialistët e Qarkullimit Rrugor bënë arrestimin në flagrancë të shtetasve: – E. X., 35 vjeçe, banuese në Tiranë, për veprat penale “Drejtimi i automjeteve në mënyrë të parregullt” dhe “Goditje për shkak të detyrës”, pasi duke drejtuar mjetin e saj, në gjendje të dehur, është përplasur me mjetin me drejtuese shtetasen Sh. I. Gjatë veprimeve policore, shtetasja E. X. ka goditur punonjësit e Policisë, për shkak të detyrës; – A. V., 31 vjeçe, banuese në Berat, K. Z., 35 vjeç, banues në Vlorë, E. Gj., 46 vjeç, banues në Fushë-Krujë, pasi u kapën duke drejtuar mjetet e tyre përkatëse, në gjendje të dehur;

– G. M., 23 vjeç, banues në Tiranë, pasi duke drejtuar mjetin e tij, është përplasur me mjetin me drejtues shtetasin T. P., 26 vjeç. Si pasojë e aksidentit janë dëmtuar drejtuesi i mjetit, shtetasi T. P. dhe pasagjerët, shtetasit B. T., 23 vjeçe, P. P., 53 vjeç dhe F. T., 78 vjeçe, të cilët ndodhen jashtë rrezikut për jetën.Më datë 10.04.2022, në Tufinë, persona të paidentifikuar kanë vjedhur një shumë parash në banesën në pronësi të shtetasit D. H., 53 vjeç. Punohet për identifikimin dhe kapjen e autorit/ëve. Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.

(A.B).Dosja.al

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet arrestime ne tirane tirane arrestime ne tirane tirane

Sondazh

Poll

MË SHUMË