Politike

Lajm i mirë për shqiptarët në Greqi, Çuçi: Lehtësira në marrjen e lejes së qëndrimit

6 Prill 2022, 13:49 Nga DOSJA
Lajm i mirë për shqiptarët në Greqi, Çuçi:

ATHINË– Të gjithë shqiptarët që jetojnc dhe punojnë në Greqi do të kenë  një trajtim të veçantë në lidhje me lejet e tyre të qëndrimit.

Lajmin e ka bërë të ditur ministri i brendshëm, Bledi Çuçi me anë të një statusi në Facebook i cili ndodhet në Athinë në një vizitë dyditore. Pas një takimi që ka zhvilluar në ambasadën shqiptare në Athinë, Çuçi tha se do t’i kushtohet vëmendje më e lartë problematike që kanë emigrantët në vendin fqinj.

“Në ambasadën tonë në Athinë takova përfaqësuesit e disa shoqatave të komunitetit shqiptar që jeton e punon në Greqi. Janë grupime tejet aktive në adresimin e problemve me të cilat ndeshen shqiptarët. Komunikimi i shpeshtë krijon premisa për të identifikuar çështjet që duhen adresuar për zgjidhje tek autoritetet greke, por edhe tek shteti amë, qofshin ato çështje të mbartura nga e kaluara apo të krijuara së fundi.”-shkruan Çuçi.

Sipas ambasadores Luela Hajdaraga lehtësimet për komunitetin shqiptar do të shtrihen në të gjitha zyrat e emigracionit në vendin fqinj.

“Nga ministri për Migracionin dhe Azilin mora premtimin se komuniteti shqiptar në Greqi do të marrë një trajtim të veçantë përsa i përket lejeve të qëndrimi dhe në përgjithësi të gjithë trajtimit në zyrat e emigracionit këtu në Greqi. Vendosëm një komunikim direkt për çdo shqetësim të shqiptarëve nëpërmjet ambasadores tonë në Athinë”, ka thënë ajo.

(d.a/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

politike politike bledi çuçi ne athine luela hajdaraga bledi çuçi ne athine luela hajdaraga

Sondazh

Poll

MË SHUMË