Sport

Intervista për BBC/ Florian Marku kërkon fitoren e 11 në karrierë; Kundërshtari është…

2 Prill 2022, 18:26 Nga DOSJA
Intervista për BBC/ Florian Marku kërkon fitoren e 11 në

ANGLI- Ditën e shtunë, Florian Marku ka zyrtarizuar ndeshjen e radhës në boksin profesionist. Shqiptari do të përballet me ish-kampionin britanik Chris ‘Rock n Rolla’ Jenkins. ‘Mbreti Shqiptar’ ruajti rekordin e tij si i pamposhtur në nëntor duke fituar ndaj Jorick Luisetton, ndërsa Jenkins vjen në këtë duel me një sukses vendimtar ndaj ish-kampionit të unifikuar të botës në peshën super të lehtë Julius Indongo në Cardiff në fillim të këtij muaji.

Marku numëron 11 ndeshje si boksier profesionist (të 12-ën e ka sonte), nga të cilat ka fituar 10 dhe ka barazuar vetëm një ndaj britanikut Jamie Steëart, në një sfidë ku kontestoi ashpër rezultatin e arbitrave. Ai që shpallet fitues do të bëjë një hap të madh më afër konkurrimit për titujt kryesorë këtë vit. Në një intervistë për BBC, Florian Marku do të tregonte fillimet e karrierës.

“Kam lindur në Shqipëri dhe jam rritur në Greqi, teksa e kam nisur me kickbox-in, duke regjistruar rreth 100 ndeshje në karrierë. Kam punuar shumë vazhdimisht dhe në të gjithë karrierën time numëroj vetëm katër beteja të humbura, teksa të gjithë u befasuan me kalimin tim në një tjetër disiplinë, si boksi”, shprehet Marku.

Më pas Marku zbulon se të luftojë në ring ka qenë ëndrra e tij e bërë realitet, teksa komenton edhe kundërshtarin e mbrëmjes së sotme, të cilin e cilëson të duhurin për të vijuar rekordin e tij në boks.

“Lufta në ring ka qenë ëndrra ime, që më ka ndihmuar jo vetëm të mbaj familjen, por edhe të bëhem i famshëm. Besoj te vetja ime më shumë se kushdo tjetër dhe dua të çoj përpara ëndrrën time. Kundërshtari i radhës nuk është më i forti me të cilin jam përballur, por ka shumë eksperiencë dhe besoj se është i duhuri për të vazhduar përpara me rekordet e mia”, deklaroi Marku.

E.Ç (Dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

sport sport florian marku florian marku

Sondazh

Poll

MË SHUMË