Aktualitet

Basha dha dorëheqjen, shkon edhe sot në seli, Alibeaj & Berisha: PD të bashkohet!

22 Mars 2022, 08:52 Nga DOSJA
Basha dha dorëheqjen, shkon edhe sot në seli, Alibeaj & Berisha:

TIRANË– Iu kërkua dorëheqja dhe e dha! Pas shumë javësh presion, Lulzim Basha deklaroi ditën e djeshme në një konferencë për mediat, gjatë një mbledhje të grupit parlamentar të PD-së, së bashku me struktura të tjera të partisë opozitare, dorëheqjen e tij. Por tani nuk dihet sesi do të procedohet për zgjedhjen e pasardhësit të Bashës. Ky i fundit ka zgjedhur që të shkojë edhe sot në seli, por nuk ka qëndruar për asnjë moment para tyre për të dhënë ndonjë detaj, veçse i ka uruar për festën e Novruzit.

Ai duket se ka vendosur t’ia lërë zyrën të gjithën në dispozicion Enkelejd Alibeaj, tashmë kryetari i komanduar i PD-së, i cili ka shkuar për vizitë sot në Kryegjyshatën botërore të Bektashinjve. Deri më tani, nga selia blu thuhet se Alibeaj do të qëndrojë si kryetar i PD-së deri në zgjedhjen e kryetarit të ri, proces ky që synohet të ndodhë pas zgjedhjeve lokale të 2023. Po sot, ka reaguar edhe ish-kryeministri Sali Berisha, i cili me anë të një postimi në rrjetet e tij sociale, rikujtoi fitoren në zgjedhjet e para pluraliste në vend pas rënies së komunizimit duke u shprehur se “22 marsi”, duhet të kthehet në një ditë frymëzimi për demokratët për t’u bashkuar kundër kryeministrit Edi Rama.

Por Basha iku, e tani kërkohet edhe largimi i Berishës, e cila është në një nga 4 pikat e deklaratës zyrtare të grupit të deputetëve, pas largimit të Bashës për të nisur negociatat me deputetët e pezulluar, mbështetës të liderit historik të PD-së. Të gjithë bëjnë thirrje për bashkim, por s’ka ende asnjë datë për nisjen e negocitatave. Deri më tani raportohet se roli i bisedimeve me deputetë të Rithemelimit, i është caktuar deputetit Dashnor Sula. Përveç tij, në negociatat e bashkimit duket se janë përfshirë edhe Flamur Hoxha dhe Alfred Rushaj, duke dhënë sinjalet se shumë shpejt do të ketë një Kuvend bashkimi. Megjithatë sinjalet janë të qarta; Kuvendi Kombëtar i 30 prillit do të vendosë gjithçka, edhe kreun e ri të PD!

ZHVILLIMET ORË PAS ORE:

Grupimi ‘Dhjetor 90’/ Ahmetaj: Do bëj gjithçka të mbledh në një tryezë 2 grupet në PD

Dorëheqja e ish-kreut të PD, Sali Berisha: Basha kontribuoi të shpallesha ‘non grata’

Ikja e Berishës, kusht? Alibeaj: Do kemi kohë të flasim, sot është festë…

Dha dorëheqjen! Basha rikthehet tek selia e PD, mesazh për gazetarët: Hajde gëzuar!

Nisin lëvizjet e para! Bardhi shkon në seli: Ja kur bashkohet PD

‘Krenar!’/ Eduard Halimi tregon bisedën e fundit me Lulzim Bashën: Ja ç’i thashë mbrëmë

Dje u vendos kryetari i komanduar i PD, lëvizja e PARË e Alibeajt, ku do shkojë sot

(a.b)/dosja.al

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

kryesore politike dorehiqet lulzim basha lulzim basha dorehiqet lulzim basha lulzim basha

Sondazh

Poll

MË SHUMË