Politike

Nikoll Lesi zbardh mesazhin që i çoi Ramës dje gjatë protestës: Nuk ke çfarë i bën…

9 Korrik 2019, 11:19 Nga DOSJA
Nikoll Lesi zbardh mesazhin që i çoi Ramës dje gjatë

Tiranë- Nikoll Lesi ka treguar së fundmi mesazhin që i ka nisur kryeministrit Edi Rama gjatë protestës së djeshme të opozitës. Ai thotë se i ka çuar edhe një mesazh Ramës, për t’i thënë se e ka gabim që kërkon të shkarkojë Metën.

“Për të qenë korrekt me ndërgjegjen time, meqënëse dikur e kisha analist dhe gazetar të gazetës “Koha Jone” i shkruajta (pasi vetë me shkruan sms), Edi Ramës. Pak a shumë i thashë, miqësisht, se përveç gabimeve në qeverisje e ku duhet patjetër të tërhiqet duke e çuar vendin në zgjedhje të përgjithshme dhe lokale në një ditë, por në rastin e Presidentit i shkruajta se po bën gabim fatal.”, shkruan Lesi.

Shkrimi i plotë:

Dje ndoqa jo pa interes fjalën e kryeministrit Rama në parlament. Një seancë e stisur si e jashtëzakonshme, a thua kishte sulmuar ndonjë shtet Shqipërinë apo kishte plasur lufta civile në vend!

Për të qenë korrekt me ndërgjegjen time, meqënëse dikur e kisha analist dhe gazetar të gazetës “Koha Jone” i shkruajta (pasi vetë me shkruan sms), Edi Ramës. Pak a shumë i thashë, miqësisht, se përveç gabimeve në qeverisje e ku duhet patjetër të tërhiqet duke e çuar vendin në zgjedhje të përgjithshme dhe lokale në një ditë, por në rastin e Presidentit i shkruajta se po bën gabim fatal.

Fatal për mazhorancën, pasi e fut në një konflikt të pakthyeshëm me njeriun që është President i vendit, që dikur ka drejtuar qeverinë e PS-së dhe i ka dhënë fitoren e një palë zgjedhje parlamentare 2001, si dhe në qershor 2013, ju solli në pushtet. Por edhe pse Meta ka vepruar drejt në rastin e shtyrjes së zgjedhjeve të 30 qershorit.

Kaq, për thelbin e sms-ve! Natyrisht nuk është etike të tregosh sms-të, por nuk thashë atë që nuk thuhet, por nisur nga shqetësimi që ka çdo qytetar u detyrova t’i drejtohem publikisht ndergjegjes së dikurshme të Edi Ramës.

Nuk kam hallin e Presidentit, pasi ai mbrohet vetë dhe me sa di as që druhet fare nga kjo idiotsi e mazhorancës me këtë komision hetimor.

Por më shqetsoj fjalori, toni dhe humbja e logjikës nga Edi Rama, dje në parlament.

Ishte, pa e zgjatur, fjalimi më i keq, më fyes dhe niveli më i ulët i një lufte politike.

Shumëkush, dje, më thoshte nga analistët e medias se “ky është Edi Rama i vertetë!”. Prapë kundërshtoja, ata, se “nuk ishte Edi Rama ai që njohim, ai që as Berishën nuk e ka sulmuar kaq keq, kaq poshtërsisht dikur kur e rrahën me leva kokës shikasit e pushtetit të PD”. Edhe i çarë në kokë e hundë, asokohe me 22 janar 1997, Edi Rama nuk lëshoi kaq batare kundër presidentit Berisha sa dje ndaj Presidentit Ilir Meta.

Dje, Rama, ka groposur Edin!

Dje kryeministri dje më bëri të mendoj si kolegët e mijë gazetarë, kritikë të sistemit të montuar nga Rilindja.

Kur iu sul Ilir Metës, që nuk ka realisht se çfarë i bën, imagjoni se si do t’i presë kokat kundërshtare në PS, sapo të lirohet paksa nga lufta me Presidentin. Do ta shikojmë “kokën” e Ditmir Bushatit ngulur në Kështjellën e Rozafës, atë të Fatmir Xhafës hedhur buzë detit në Vlorë apo të Pandeli Majkos në arat me panxhar të Maliqit!

J.V/Dosja.al 

 

Tirana është boshatisur për ditët e pushimit. Cilën nga ritet e shenjta po ndiqni:

View Results

politike politike lesi sms ramës pa shkarkon meta protesta e opozitës 8 korrik lesi sms ramës pa shkarkon meta protesta e opozitës 8 korrik

Sondazh

Poll

MË SHUMË