Politike

Salianji zbulon detaje: Basha na tha do tërhiqem, për Berishën s’ka pse vendosim kushte

14 Mars 2022, 22:39 Nga DOSJA
Salianji zbulon detaje: Basha na tha do tërhiqem, për Berishën

TIRANË- Ervin Salianji në studion e Opinion tha se në mbledhjet e grupit parlamentar të PD pas humbjes që pësoi kjo forcë politike në zgjedhjet e 6 Marsit, shumica e grupit kishte kërkuar dorëheqjen e Lulzim Bashës dhe se përgjigja që kishin marrë ishte se “do tërhiqem”. Sipas Salianjit, zgjidhja e vetme për situatën në PD është vetëm dorëheqja e Bashës.

“Ka pasur një mbledhje më parë, përveç kësaj që thoni ju që ka qenë pas zgjedhjeve, më datë 7 (Mars), ku shumica e grupit parlamentar, ka kërkuar që përgjegjësia në rastin e humbjen i takon kryetarit të partisë. Kryetari i PD duhet të japë dorëheqjen, për shkak se është përgjegjës për të. Reagimi i Bashës? Në përgjithësi ka mbajtur shënime. Në mbledhjen e parë ka thënë që është kurth… Po kryetari i partisë dhe ne aty që jemi, jemi që t’i kapërcejmë kurthet, sfidat, ne jemi që të jemi fitues. Dhe është e papranueshme për demokratët dhe unë si person politik dhe me përgjegjësi para qytetarëve, nuk mund të them që një parti e madhe të përfundojë parti e tretë dhe përgjegjësinë apo fajin e ka dikush tjetër. Unë mendoj që shkaku kryesor pse PD është forcë e tretë është sepse ka pasur një votë anti-Bashë, e cila ishte edhe pas 25 prillit. Nuk është kjo vetëm për shkak të vendimit të datës 9 Shtator, jo. Është për shkak të vendimeve të gabuara ndër vite të Lulzim Bashës si drejtues. 25 Prilli është një prej elementëve, kanë qenë para dhe pas. Sepse i pari që e mbrojti, që pati reagim dhe tha masakër zgjedhore ka qenë Sali Berisha. E kemi mbështetur, por kjo nuk do të thotë se është pafundësi…

Është kërkuar dorëheqja në një moment që a mundet është thënë aty të kemi një dakordësi për të pasur një hap pas. Këtu ka një analizë politike: PD në të dyja pjesët e saj (PD dhe Foltorja) mori në këto zgjedhje gjysmën e votave të 25 Prillit, të dyja bashkë, çka do të thotë që gjysma e votuesve opozitarë që kanë votuar PD më 25 Prill nuk i ka bindur Lulzim Basha. Po ashtu dhe Shtëpia e Lirisë ka marrë një numër të vogël votash. Në këto kushte kur opozita në tërësi e gjitha bashkë, nuk ka mundësi sepse i ulet vlera negociuese, kredibiliteti, gjithçka tjetër, përballë gjithë shoqërisë, PD ka një detyrë dhe ne të gjithë që kemi një mandat përfaqësimi: Të bëjmë çdo tentativë për të bashkuar PD.

Vendimi i grupit është i qartë: Po them si dëshmitar dhe si një prej deputetëve që kërkoi në mbledhjen e grupit… të japë dorëheqjen si kryetar i PD. Do tërhiqem tha, në mbledhje të grupit… Nuk ka zgjidhje, zgjidhja është vetëm dorëheqja! Ka një krizë besimi tek Lulzim Basha”, tha Salianji.

Marrë nga tvklan.al

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

politike politike ervin salianji ervin salianji

Sondazh

Poll

MË SHUMË