Aktualitet

VD-Basha E PRANON: Në 6 mars humba! Kemi nisur një reflektim të thellë, gati për çdo vendim

10 Mars 2022, 09:26 Nga DOSJA
VD-Basha E PRANON: Në 6 mars humba! Kemi nisur një reflektim të

TIRANË- Kryedemokrati Lulzim Basha më në fund ka pranuar humbjen e zgjedhjeve të pjesshme lokale të 6 marsit. Teksa dilte nga e vetmja derë e pablinduar nga selia blu, Basha ndaloi për të dhënë një prononcim për mediat, duke pranuar për herë të parë deri më tani, se kishte humbur. Procesin e nisur me takimet e zyrtarëve të tjerë të PD-së, Basha tha se ishte reflektim për gjithë çfarë kishte ndodhur dhe se ishte gati për të marrë çdo vendim në të mirë të Partisë Demokratike. Por në momentin që iu përmend termi dorëheqje, Basha kërkoi që të mos paragjykohej asnjë vendim apo proces, duke kërkuar më shumë kohë. 


“Ju përshëndes, siç iu thashë kemi filluar konsultime për një reflektim të thellë për humbjen e 6 marsit.Tani…edhe njëherë më lejoni se nëse paragjykoj se çfarë do të ndodhë me bashkëpunëtorët e njerëzit. Jemi në proces reflektimi, duhet të respektojmë ata që kanë mendimet e tyre. Prandaj jemi në një proces që nisi që pas 6 marsit. është proces i thellë reflektimi. Jam gati të bëj çdo gjë në interesin më të mirë të PD. POr duhet që të keni pak durim, se të paragjykojmë ngjarjet nuk është e mençur,”-tha ndër të tjera kryedemokrati. 

FJALA E PLOTË:

Basha: Ka patur një mbledhje të grupit të deputetëve që një ditë më pas, një mbledhje të grupit të kryetarëve, Kolegjin e Kryetarëve, do të vazhdojë me mbledhjen e Kryesisë. Pra jemi në një proces të thellë reflektimi pas të cilit padiskutim do të marrim përgjegjësitë nga unë i pari.

Pyetje: Do të ketë garë për kryetar?

Basha: Nëse unë tani paragjykoj se çfarë do të ndodhë pa folur me bashkëpunëtorët, me njerëzit. Aktualisht që flasim kryetarët e degëve kanë kontakt me strukturat në bazë, edhe deputetët po kështu. Pra, ne jemi në një proces reflektimi dhe që reflektimi të bëhet ashtu siç duhet duhet në radhë të parë të respektojmë ata njerëz të cilët kanë mendimet e tyre, sjellin mendimet e të tjerëve. Prandaj jemi në një proces që nisi që ditën pas 6 marsit, një proces që vazhdoi ditën tjetër dhe do të vazhdojë në ditët e ardhshme. Pra, është një proces i thellë reflektimi me një synim: Interesin më të mirë të demokratëve. Pra dalim, sepse duket qartë që një nga arsyet kryesore është përçarja dhe konflikti mes nesh. Unë jam gati të bëj çdo gjë në interesin më të mirë të Partisë Demokratike. Por, duhet të keni pak durim se t’i paraprijmë gjërave kur jemi në një proces reflektimi nuk është as e mençur..

Siç ua thashë që ditën pas 6 marsit ne kemi mbledhur strukturën e parë sepse ndodhi që e hëna ishte ditë parlamenti, mblodha të nesërmen Kolegjin e Kryetarëve, do të mbledhim edhe Kryesinë ndërkohë vetë Kolegji i Kryetarëve ka dashur të jetë në kontakt me strukturat, deputetët kanë kërkuar të jenë në kontakt me strukturat. Pra, jemi në një proces reflektimi të brendshëm, disa prej tyre kanë kërkuar edhe analizë specifike për 6 bashkitë. Ju siguroj që demokratët do të marrin në dorë fatet e tyre, Partia Demokratike do të dalë nga ky proces e fortë dhe e bashkuar. Ky është synimi dhe në funksion të saj që padiskutim që detyra dhe përgjegjësia e parë është e imja dhe unë jam i gatshëm të ndërmarr çdo hap që Partia Demokratike të jetë e fortë, e bashkuar dhe të dali nga 6 marsi, nga humbja e 6 marsit të mos humbi mësimin e madh të 6 marsit që është domosdoshmëria për të qenë sa më të fortë dhe sa më të bashkuar përballë këtij regjimi.

Sot po diskutohet për Komisionin e Inceneratorëve, shpresoj t’i japin një vëmendje se është bërë gjithë ajo punë dhe e meriton, Partia Demokratike, anëtarët tanë të komisionit, qytetarët e meritojnë transparencën në Komisionin e Inceneratorëve. Ndërkohë po bëhet nami me naftën dhe i pari i qeverisë ia ka mbathur për në Dubai.. Të merremi me këto. Procesi i reflektimit nisi dhe do të vazhdojë.

SHIKO EDHE KËTË:

Basha: Kam nisur të reflektoj, do merren përgjegjësit, por shikoni naftën se po bëhet nami

Në zgjedhjet e pjesshme lokale, PD nuk fitoi asnjë parti, ndërsa koalicioni “Shtëpia e lirisë”, fitoi vetëm Bashkinë Shkodër. Pas zgjedhjeve, brenda selisë blu ka nisur një lëvizje për largimin e kryedemokratit Lulzim Basha. Mirëpo ky i fundit deri sot nuk i shihte zgjedhjet si humbje, duke u shprehur se pjesëmarrja e ulët ishte shkak për mosfitoren e PD. Ndërsa të gjithë “të besuarit” po i japin dorëheqjen nga postet që u ka dhënë. Në krah i kanë mbetur vetëm disa deputetë si: Enkelejd Alibeaj, Ina Zhupa, Jorida Tabaku etj.

(k.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

kryesore politike lulzim basha zgjedhjet e pjesshme 6 mars 2022 lulzim basha zgjedhjet e pjesshme 6 mars 2022

Sondazh

Poll

MË SHUMË