Politike

Basha prezanton Hotin në Durrës: Derdheni heshtjen tuaj legjendare në vota për Luanin

4 Mars 2022, 18:13 Nga DOSJA
Basha prezanton Hotin në Durrës: Derdheni heshtjen tuaj legjendare

DURRËS – Kryetari i Partisë Demokratike Lulzim Basha u ndal në Durrës për të mbyllur fushatën për zgjedhjet lokale të 6 marsit në këtë qytet. Në mbështetje të kandidatit Luan Hoti, Basha u bëri thirrje qytetarëve durrsakë që ta kthejnë heshtjen e tyre në vota për Hotin në 6 mars. Basha premtoi se data 6 mars do të jetë një ditë reflektimi i thellë politik për Shqipërinë.

“Ja tek ju gjej me sytë e mbushur me dritë dhe shpresë. Këtë shesh në këtë kohë kaq të vështirë e gjej me shpresën e rinisë, e cila është derdhur pasivisht në krah të një njeriu, të një familjari, të atij që vjen para jush dhe me ju,do të lufotjë për tja kthyer Durrësin, durrësakëve.

Mbështetja juaj nuk ka munguar. E kam ndjerë kudo që Durrësi është gati. Ky shesh, ka një histori mijëravjecare. Këtu ku jemi sonte, kanë buçitur dhe këtu rreth e qark zërat stërgjyshërorë të ilirëve, paraardhësve tanë. Po kështu na e kanë ulur kokën me betonin që është derdhur, që mundohet të zhvasë qindarkat e fundit.

Këto sheshe kanë buçitur shpesh nga armët, nga topat e okupatorëve dhe e kanë parë gjithmonë Durrësin si portën hyrëse për të pushtuar qytetet tona. Ky Durrës ka bucitur edhe nga rezistenca dhe qëndresa.  Durrësi  bucet me historinë e tij.

Durrësi bucet me heshtjen e mosmiratimit sa herë që një qeveri shkel mbi premtimin e dhënë. E njohim zemërimin e heshtur të durrsakëve sa herë që nuk e kemi mbajtur fjalën.

Ju them se bashkë me Luanin kemi dëgjuar problemet tuaja. Ndaj e di se edhe kur ju kemi dëgjuar të përshpërisni apo edhe atëherë kur keni folur me heshtjen tuaj. Ju ftoj këtë të dielë derdheni heshtjen tuaj në kutitë e votimit.

Jam këtu për tu zotëruar mbi këtë truall, padyshim gjurmët krenare të origjinës tonë, të asaj që na bën qytetar, evropian, të cevilizuar, të asaj që na mban trima dhe guximtarë përballë çdo pushtimi. Ju them derdheni heshtjen tuaj legjendare, zemërimin tuaj në vota për Luan Hotin sepse do të punojë për Durrësin.

Ju zotohem se si në çdo kapërcyell gjeneratash besimin tuaj të dielën do ta kthejmë në një reflektim edhe më të thellë. Që këta të rinj të mos i lëmë më thjeshtë të flasim në mitingje, apo duartrokitës, por ti vënë në ballë të përpjekjes së PD që ka lindur e re dhe do të bëhet edhe më e re”, përfundoi fjalën e tij në Durrës, Lulzim Basha.

Më pas, e mori fjalën kandidati demokrat Luan Hoti. Ai premtoi se pas 6 marsit, qytetarët e Durrësit do të nisin me PD një kapitull për një të ardhme të re.

“Sot është dita e fundit e një fushate të shkurtër por shumë të bukur, shume energjike.

Sot dua te falenderoj të gjithë ata me të cilët kemi shtrënguar duart, që me kanë dhënë mbështetjen e tyre dhe që me kanë dhënë besimin dhe forcën duke me treguar që jemi në rrugën e duhur.

Dua vecanërisht të falenderoj të gjithë qytetaret, anetaret dhe mbeshtetesit e Partisë Demokratike, që gjatë kësaj kohe të shkurtër, i kanë dhënë kësaj fushate shpirtin dhe mendjen. I jam mirenjohes dhe shume te tjereve, qe pavaresisht bindjeve politike apo pakenqesive te momentin, me kane mbeshtetur ne kete inisiative.

Jam krenar te jem bashkëudhëtari Juaj ne rrugetimin per tja kthyer Durresin qytetareve.

Ne zhvilluam nje fushate pozitive. Me nje plan te qarte per tja ndryshuar faqen qytetit tone te dashur. Gjate kesaj kohe te shkurter te fushates na kane akuzuar, na kane baltosur, jane perpjekur te na percajne por nuk ja kane dale. Ne kemi qendruar si qytetare, kemi qendruar si Demokrate, kemi percjelle modelin me te mire te te qenit Durrsak.

Ndaj per ti vene keto vlera ne sherbim te qytetit sot eshte dita ti tregojme durrsakeve se koha e përdorimit të Bashkisë për interesa private, e keq qeverisjes, e keq administrimit, e mungesës së vëmendjes ndaj interesave dhe nevojave të qytetarëve, i ka ardhur fundi. Arrogances i ka ardhur fundi!

Pas dy ditësh, me votën tuaj, me votën tonë, do të ngjallim shpresën, do të hedhim hapat e parë për një fillim të ri, për një Bashki dhe nje Durrës ne sherbim te qytetareve.

E Diela e 6 Marsit eshte dita ne te cilen Bashkia do te behet e juaja! Eshte dita ne te cilen me voten tuaj do te vendosni te jeni vendimmarresit per te tashmen dhe te ardhmen e qytetit.

Të dashur qytetarë të Durrësit! Më 6 Mars shkoni dhe votoni! Votoni si njerëz të lirë, votoni për veten tuaj! Votoni që bashkia të jetë e juaja! Votoni që t’i japim fund marrjes peng të Durrësit, që qyteti ynë t’i rikthehet qytetarëve!”, përfundoi fjalën e tij kandidati demokrat Luan Hoti.

LAJMI KRYESOR: Mbyllet fushata, Berisha, Rama e Basha ‘përplasen’ në Shkodër, Memolla blen vota

(d.v/dosja.al)

 

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

politike politike basha ne durres basha ne durres

Sondazh

Poll

MË SHUMË