Sport

Manjati rus Abramovich: Jeta luksoze e 7 tashëgimtarëve të pronarit të Chelseas

4 Mars 2022, 12:22 Nga DOSJA

ANGLI – Pas nisjes së luftës dhe pushtimit rus të Ukrainës, Abramovich e ka nxjerrë në shitje skuadrën e Premierë League, për t’i shpëtuar dhe sanskioneve të forta që vendosi Britania e Madhe, Europa dhe SHBA! Sipas mediave, ai disponon një pasuri prej 10 miliardë paundësh.

Ai është gjithashtu edhe babai i 7 fëmijëve, të ardhur në jetë nga dy martesat e tij. Si duket babai milioner nuk kursehet fare kur bëhet fjalë për të plotësuar tekat dhe dëshirat e fëmijëve të tij, të cilët bëjnë një jetë luksoze.

Por kush janë ata dhe çfarë dimë për ta?

Fillojmë nga më e madhja, Ana, 29 vjeç. Ajo është fëmija i parë i Abramovich e ardhur në jetë nga martesa e dytë e tij me Irinën, nga e cila u divorcua në vitin 2007, pas 11 vitesh së bashku.

Ana është diplomuar për filozofi në Universitetin e Kolumbia. Ajo nuk e ka fshehur jetesën e saj luksoze as kur ishte në shkollë, duke shkuar shpesh herë me helicopter, ose edhe me limuzinë e me shofer personal. Ana u bë fillimisht e njohur për mediat rozë, kur u fejua në moshën 18-vjeçare me të dashurin e saj Nikolai Lazarev në vitin 2010. Thuhej se Roman nuk e ishte i lumtur nga kjo fejesë e vajzës së tij dhe çifti u nda para se të martoheshin. Më vonë Ana u pa nën shoqërinë e Çalum Best.

Pronari i Chelseas nuk kursehet as kur bëhej fjalë për ditëlindjet e tyre, duke organizuar festa, të cilat kapnin shifra marramëndëse. Vetëm ditëlindja e 18-të e vajzës së tij të parë ka kushtuar diku te gjashtë shifrat. Ana, thuhet se është ajo që i ngjan më shumë Abramovichit në personalitet. Për momentin ajo vazhdon jetesën e saj në Nju Jork.

Ashtu si Ana, Arkadi, 27 vjeç, është djali i Roman dhe gruas së dytë Irina. Siç ndodh shpesh në disa familje, është mashkulli i parë në familje, i cili pretendohet të jetë trashëgimtari i pasurisë. Edhe në familjen e biznesmenit rus mesa duket është Arkadi ai që po ecën në hapat e babait të tij. Përpos pasurisë së trashëguar nga ati i tij, ai ka punuar shumë dhe ka arritur me meritat e tij.

Arkadi është themeluesi dhe pronari i kompanisë “ARA Kapital”, që administron aksionet kryesore në tregtinë elektronike dhe gazin, kompaninë e naftës “Gazprom Neft”. Djali i madh i Roman synon të zotërojë klubin e fullitbot të babait të tij. Ai dikur u tha gjithashtu se ishte i interesuar për skuadrën daneze FC Kopenhagen.

E konsideruara “fëmija trazovaç” e familjes, Sofia pëlqen të ndajë jetën e saj magjepsëse në Instagram, duke nxjerrë në pah pasurinë e saj sa herë që mundet. Festa e saj e 18-vjetorit të ditëlindjes përfshinte një performancë nga grupi pop “McBusted” dhe u mbajt në një klub nate në “Stamford Bridge” të Chelseas.

Ajo feston rregullisht me miqtë e saj të famshëm Bekams dhe Ramsejs dhe shpesh shkon për pushime në hotelin luksoz prej 3 mijë paund nata, “One & Only Reethi Rah” në Maldive. Sofia u diplomua në menaxhim dhe marketing, gjë që duket ideale për dikë si ajo që gëzon dhe do të trashëgojë biznese të shumta të babait të saj. Ajo gjithashtu ka tre kuaj të quajtur Dora, Billi Fraulein dhe Zanzibar dhe ka përfaqësuar Rusinë në garat e shfaqjeve me kërcim.

Arina, 20 vjeç është vajza e tretë dhe fëmija i katërt i pronarit të Chelseas. Ajo mbahet si fëmija më ambicioz e familjes. Duke pasur dhe një shprehje që thotë që çdo gjë që do Arina, e merr! Ajo ka një dashuri shumë të madhe për kafshët, sidomos kuajt, ku ka marrë pjesë edhe në një shfaqje me kuaj në të cilën ka shkëlqyer falë kalit të saj të quajtur Pringëll.

Roman thuhet se shpenzoi rreth 50,000 £ për të blerë “Roan Gelding”, kalin e Arinas me të cilin konkuroi dhe fitoi çmimin e parë në klasën e saj në Panairin Ndërkombëtar të Kuajve në Olimpia në dhjetor të vitit 2013. Thuhet se ajo dëshiron të emigrojë në Australi për t’u regjistruar në një fakultet zoologjik.

Ilia, 18 vjeç. Eshtë djali i dytë i Abramovich dhe fëmija i fundit nga martesa me gruan e dytë Irina. Studimet e tij janë ndërprerë nga situata që përjetuam me Covid-19 dhe thuhet se akoma nuk dihen planet e tij për universitetin.

Aron, 11 vjeç dhe Lea Lu 7 vjeç, më të vegjëlit e familjes kanë ardhur në jetë nga martesa e tretë e Roman me modelen dhe koleksionisten e arteve Dasha Zhukova, martesë e cila përfundoi në vitin 2017.

Fëmija i gjashtë dhe i shtatë i Abramoviç, kanë lindur të dy në Manhatan, Nju Jork. Ata jetojnë me të ëmën e tyre në Big Apple, ku ndjekin studimet në një shkollë private atje. Sipas raportimeve, Roman i viziton rregullisht dhe ka mbajtur një marrëdhënie të mirë me ish-gruan e tij, Dashën.

B.T (Dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

sport sport kërkesa e roman abramovich për pozicionin e presidentit roman abramovich kërkesa e roman abramovich për pozicionin e presidentit roman abramovich