Politike

Meta: Rezoluta e PE dënon qartë pushtimin e Ukrainës 

1 Mars 2022, 20:00 Nga DOSJA
Meta: Rezoluta e PE dënon qartë pushtimin e Ukrainës 

TIRANË- Presidenti Ilir Meta ka mbështetur rezolutën e Parlamentit Europian, e cila dënon luftën në Ukrainë. Me anë të një postimi në Facebook, Meta shkruan se gjithashtu ka mbështetur vendimin e PE-së për vëmendjen e shtuar ndaj Ballkanit Perëndimor. Ndërkohë që i ka bërë thirrje Kuvendit që përmes një rezolute të shprehin vullnetin kundër pushtimit të Ukrainës.

Përshëndes Rezolutën e Parlamentit Europian që dënon qartë dhe pa ekuivok agresionin rus kundër Ukrainës! Miratimi me 637 vota i kësaj rezolute që prek të gjitha aspektet politike, ekonomike, diplomatike, humanitare, ligjore, si dhe pasojat tragjike që mund të shkaktojë përshkallëzimi i situatës, dëshmon solidaritetin dhe unitetin europian përballë rrezikut që i kanoset sot jo vetëm Ukrainës por edhe Europës dhe botës së lirë e demokratike. Përshëndes vëmendjen e shtuar të Parlamentit Europian edhe ndaj rajonit tonë, çka duhet të na shtojë vigjilencën ndaj çdo tentative për destabilitet nga aktorë jomiqësorë. I bëj thirrje Kuvendit të Shqipërisë që përmes një rezolute të shprehë qartë dhe pa vonesë vullnetin e tij kundër pushtimit të Ukrainës, ngjashëm me vendet e tjera të NATO dhe BE!

(I.A/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

politike politike ilir meta lufta ukraine-rusi ilir meta lufta ukraine-rusi

Sondazh

Poll